Mata sa Kasingkasing

Gula 35

“Ingna siya, Day,” ni Angeline pa ngadto kang Vera, “nga natulog na ko.”

“Dili mahimo, Day,” giingnan siya ni Vera. “Gisultihan nato nako si Robert nga nagmata ka pa.”

Miginhawa’g lawom si Angeline. Wa siya’y kadasig nga moatubang kang Robert. Alang niya, nakasamok si Robert sa iyang kinabuhi.

Wala siya makagusto kang Robert. Wala siya mahigugma niini. Ang iya untang gihigugma mao si Erik!

“Atubanga lang gud si Robert, Day,” nagkanayon si Vera. “Pakigsultihi bisan makadiyot lang.”

“Gihasolan na ko’g maayo sa kanunay niyang pag-anhi dinhi aron mamisita nako, Day,” padayag ni Angeline.

“Pwes, prangkahi siya. Daygi nga wa ka mahigugma niya aron dili magsalig nga may mapaabot ug malaoman siya gikan nimo.”

“Ako na man bitaw nang gibuhat pero wa man gyud siya mopatuo. Nagsige man lang gihapon siya’g balik-balik dinhi.”

“Ingon ana man gyud nang mga palikero, dili daling mosurender.”

Wala motingog si Angeline. -- Sumpayan pa