Mata sa Kasingkasing

Gula 33

“Naka-like gyud na si Erik nimo.”

“Huh! Wa ko mangandoy nga maka-uyab og guwapo.”

“Sa unsang katarongan?”

“Tungod kay para nako ang mga guwapo alang lang sa mga guwapa.”

“Pastilan nimo, Day, hinugay na nianang imong self-pity. Gipaubos mo man kaayo ang imong kaugalingon.”

“Kay tinuod man sab. Wa man gyud ko magbaton og pleasing personality.”

“Okey, tugotan ta nga wa kay pleasing personality. Pero duna ka man say assets nga wa sa mga guwapa. Nindot ka’g lawas. Sexy, nindot og dughan, igwad og sampot. Naa pay imong legs nga dili kabayran og 1 million dollars.”

“Saba diha. Imo lang kong giulog-ulogan.”

Unya gilain nila ang topic sa ilang panagsulti.

Pagkaugma, giuli gyud ni Vera ang selpon ngadto kang Erik.

“Unsa may iyang reaksyon?” Nangutana si Angeline.

“Nasubo siya pag-ayo,” tubag ni Vera. “Para gyud unta to imong selpon. Maong nasubo siya nga wa nimo dawata.” -- Sumpayan pa