Mata sa Kasingkasing
Gula 32
May gikuha si Vera gikan sa iyang locker. Usa ka selpon. Gitunol niya kini ngadto kang Angeline.
“Imo na kuno ni,” matud ni Vera.
“U-unsa?” Nakugang si Angeline.
“Aron kuno dili na siya maglisod pagkontak nimo.”
“Di ko modawat niana. Iuli kana ngadto kaniya.”
“Pero, Day...”
“Basta iuli na ngadto niya. Wa ko nagkinahanglan nianang butanga.”
Wala makatingog si Vera.
“Nganong gidawat man sab na nimo?” Pangutana ni Angeline.
“Sorry, Day,” matud ni Vera. “Abi man gud nako og ikalipay mo kini.”
“Iuli kana ngadto ni Erik sa labing daling panahon, Vera. Ikaw nay bahala mangatarongan nganong wala ko kana dawata.”
“Aw, iuli gud. Mao man kaha.”
Nahilom silang duha.
“Nagtuo ko nga duna gyu’y bug-at nga hinungdan nganong gusto kang hatagan og selpon ni Erik,” nagkanayon si Vera.
“Unsay buot mong ipasabot?” usisa ni Angeline. -- Sumpayan pa
- Latest
- Trending
