Gasaludo pirmi's Manoy!

Gula 7

Mora’g natuk-an si Steve dihang gisukna siya sa iyang kumare nga asawa ni Mikmik kun mas taas pa ba siya og lahutay sa kumbati sa kama sanglit siya man diay ang nagpainom og pangpalagsik sa iyang bana. “Aw, ako hinoon mare, makaingon ko nga ang akong ma-partner matagbaw g’yud kay molahutay man ko og kapin sa oras nga walay hunong-hunong,” matud ni Steve nga nagpahiyom.

Mitutok kaniya si Grace nga naghuna-huna nga natagbaw na gani siya kaayo sa mga tunga sa oras nga walay hunong pag-atake ni Mikmik. “Maingon kaha ‘sab niana ang akong bana pre Steve? Tudloi unya na si Mikmik pre kun unsaon nga makalahutay siya og subra sa oras,” ni Grace pa.

Nakahuna-huna si Steve pagkomedya sa iyang kumare. “Aw sumala ba hinoon mare, suwayan sab ko nimo para matandi nimo kang bay Mikmik,” ni Steve pa nga mitutok pag-ayo ni Grace.

“Ayaw lang pre uy, dili maayo nga bulingan nako ang akong pagka-asawa tungod lang anang butanga. Mopalit lang mi anang tambal nga gihatag nimong Mikmik gabii pre.”

Daw nahilaw si Steve nga gibalibaran ni Grace sa iyang tinguha. “Aw ikaw gud mare.”

“Diha ka usa pre, adtoon nako ang akong gilung-ag,” matud ni Grace nga klaro kaayong milikay sa tentasyon. Naabtan ni Grace didto sa ilang balay si Mikmik nga mao pay pagkahuman og kaligo.

Nagkihat-kihat kini kaniya ug daw may gigunitan sa iyang atubangan ilawom sa tualya. “Love, misaludo na usab si Manoy. Kaligo usa didto kay mamahaw usa ta.”

Nakasabot si Grace sa gipasabot sa iyang bana. Gituman niya ang giingon ni Mikmik nga maligo. Dali ra nga naligo si Grace kay gibugnawan siya sa tubig niining buntaga.

Pagsulod niya sa ilang kwarto, naghigda si Mikmik nga nagtabon sa habol. Mibangon kini ug diha pa mahibaw-i ni Grace nga wala diay magsul-ob og sinena ang iyang bana.

Gitangtang ni Mikmik ang tualya nga gitapis sa iyang asawa ug gibunlot niya kini ngadto sa ilang higdaanan.

Nahuna-huna ni Grace nga tukma ang iyang hukom nga wala motubay sa pagpanintal ni Steve kaniya. “Mik, pangutana unya kun asa ka pirmi makapalit sa tambal nga gihatag ni pare Steve nimo gabii.”

Wala na lang mangutana si Mikmik kay sayud na siya nga gitug-anan ni Steve ang iyang asawa nganong nakaangkon siya og talagsaong kalagsik. Giparaygan dayon niya si Grace kay ganina ra nga nagsaludo si Manoy ilawom sa habol. (Sumpayan)