Gasaludo pirmi's Manoy!

Gula 4

“Unsa may inyong gisumsoman ug sa imong mga barkada nga mora man og hilabihan nimo kalagsik karong panahona?” nakapangutana si Grace kang Mikmik dihang milurang na ang kakutas kanilang duha.

Nabag-ohan si Grace kay sukad sila nga naminyo si Mikmik mga unom ka buwan na ang nakalabay wala pa g’yud kini makahimo og paspas nga kumbati nga daw nagtungas sa bakilid.

Sagad g’yud nga dali ra kaayo kini nga motakilpo, wala nay umoy. “Pirmiha to Mik. Sigi balik ngadto sa imong mga barkada kay basin og may nasubra pa sa inyong sumsoman,” giagda pa ni Grace ang iyang bana. Wala siya masayud nga may giinom ang iyang bana sa dayong sugod sa ilang kumbati.

“Sigi, love, balikan usab nako sila si bay Steve apan kumbati ta’g usab inigbalik nako ha?” nanganti pa si Mikmik sa wala pa mobiya sa iyang asawa.

Nag-inom pa gihapon ang magbarkada sa pagbalik ni Mikmik. “Unya bay Mik, giinom na nimo?” nangutana si Steve. Mibathay ang pahiyom sa panagway ni Mikmik nga mitutok kang Steve.

“Diin man to nimo bay Steve? Grabe g’yud nga makapalagsik. Baskug kaayo si Manoy nga mitungas sa bungtod ug gilupig pa ang akong asawa nga batan-on pa,” matud ni Mikmik nga nagpanglingo-lingo.

Nagtingsi ang duha nila ka higala. “Mopalit unya ko adtong tambala bay Steve kay para kanunay’ng baskug si Manoy,” paapas ni Mikmik ngadto sa iyang higala.

Walay kukauwaw nga gisaysay ni Mikmik ngadto sa iyang mga higala ang talagsaong kalagsik nga iyang naangkon human niya giinom ang gihatag ni Steve kaniya nga tambal.

“Wala g’yud ko maglimod ninyo mga parts, bisan gani karon nagsaludo pa gihapon si Manoy,” ni Mikmik pa nga nagpanghikap sa iyang atubangan. Nangatawa ang tulo niya ka higala.

Mipadayon sila sa pagtagay sa ilang giinom. “Kuyawan ko ani bay Steve kay basin og tinuod ang gibutang sa pakete nga strength will last 180 hours!,” matud ni Mikmik.

“Lawom na man sab ang gabii bay Mik, mangundang na ta og inom kay mora’g sumparay na ta. Maayong mobalik ka na sa inyo kay masuta nimo kun lig-on pa ba gihapon si Manoy!” ni Steve pa.

Nagbuwag-buwag ang magbarkada. Nagdali si Mikmik nga mipauli ug diha sa iyang huna-huna nga palabwan pa ang iyang abilidad nga pagtungas sa habog kaayong bungtod kaganina. (Sumpayan)