Gasaludo pirmi's Manoy!

Gula 2

Gidawat ni Mikmik ang gitunol ni Steve nga usa ka gamay’ng pakete nga may hulagway sa babaye’g-lalaki nga nagparayganay.

“Unsaon ko man ni Bay Steve?” nagpakisayud si Mikmik sa iyang higala. Sanglit taga probinsya si Mikmik inosente pa kaayo siya sa mga binag-o nga kalihukan.

May gihunghong si Steve kang Mikmik, samtang nagtan-aw lang kanila ang duha nila ka higala. Pwerteng nakakatawa ni Mikmik nga naminaw sa gihunghong kaniya ni Steve.

“Unsa ba kanang inyong sekreto uy.. ipaambit usab na namo,” matud sa duha nila ka higala.

“Kining gamay’ng pakete nga gihatag nako ni Mikmik makatabang niya ni nga monindot ang iyang performance sa kumbati ug sa iyang asawa,” giingnan ni Steve ang duha niya ka higala.

Pwerteng nakakatawa sa duha nga nakadungog. “Grabeha anang tambala no? Tinuod ba nga molungtad og 180 ka oras nga magsaludo’s manoy kun makainom ta ana?” nakapangutana ang duha ka amigo nilang Steve ug Mikmik.

“Wala pa ko makasuway pero maoy ilang sulti sa nakasuway na,” pasabot ni Steve. Gitutokan sa managhigala si Mikmik kay nagpaingon sa ilang nahimutangan ang asawa niini nga si Grace.

“Mik, ayaw palabi og inom diha uy. Tana mamauli na ta para daku ta’g agi,” matud sa asawa ni Mikmik.

Gihunghongan pagbalik ni Steve si Mikmik. “Higayon na nimo Bay Mik nga ma-testingan ang gihatag ko nimo nga gamay’ng pakete,” ni Steve pa ngadto sa iyang higala.

Gusto pa unta si Mikmik nga mopadayon sa pakig-hapi-hapi uban sa iyang mga amigo apan nadala g’yud siya sa iyang asawa. Wala na lang g’yud usab siya moinsister kay gusto usab niya nga suwayan ang kaepektibo sa gihatag niya nga tambal para kang Manoy.

Pag-abut niya sa ilang balay, midiritso siya sa kusina ug giinom ang sulod sa gamay’ng pakete.

Nahinumdom siya sa gisulti kaniya ni Steve nga kinahanglang imnon ang tambal mga 15 minutos sa dili pa ang kumbati aron epektibo nga makahatag og talagsaong kalagsik.

Giduol ni Mikmik ang asawa niini nga si Grace. Iya kini nga gihunghongan nga manulod na sila sa ilang kwarto. Nakabantay si Mikmik nga may nabatyagan siya nga talagsaong tilimad-on. Daw nanginit si Manoy! (Sumpayan)