Video Karaoke

Gula 7

Gikuha ni Terio si Pinky didto sa ilang balay sa T. Padilla ug gipananghid sa iyang mga ginikanan nga mouban sila sa prosesyon inigka hapon.

Miangkas si Pinky sa motorsiklo ni Terio. “Sayo pa man ron para sa prosesyon Ter. Ala-una sa hapon pa man sugdi ang prosesyon,” matud sa dalaga. Gitan-aw ni Terio ang iyang relo, alas dies pa g’yud sa buntag.

“Uban lang nako,” ni Terio pa. “Asa man ta?” nangutana ang dalaga, apan wala na motubag si Terio nga mipasirit sa iyang motor paingon sa north reclamation area.

Gideritso ni Terio pagpasulod ang motor sa usa ka motel sa General Maxilom Extention. “Motel man ning imong gidad-an nako,” ni Pinky pa dihang miparking na si Terio sa sulod.

“Dili ba giingnan man tika gabii nga sa sunod dili na kita didto sa inyong balay. Sayo pa man mao nga mamahuway usa ta,” giingnan ni Terio si Pinky. Apan misugod dayon si Terio sa pagpabatyag og kalalim sa dalaga. Giparaygan dayon kini ni Terio hangtud nga gipaundayonan na lang usab ni Pinky si Terio. Nagkainit ang ilang pagparayganay. Nagkapaspas ang ilang mga lihok ug lihok na kaayo ang mga kamot ni Terio nga nagpanghiram sa kalawasan sa dalaga.

Kalit lang namingaw ang tibook lawak. Daw pareho silang duha nga gigukod sa ilang gininhawa tungod sa kakutas.

Gihanduraw ni Terio ang una nilang panagkita ni Pinky didto sa videokehan. Ang usa sa tumong niya mao nga dugay siya nga abton sa grabeng kahinam samtang padayong paspas ang iyang linihokan.

Taud-taud nabantayan ni Terio nga nagkahugot ang gakus kaniya ni Pinky. “Ter, Terio, I love you, I love You.” Nasabtan niya nga gihakup na si Pinky sa grabeng kalalim sa iyang gibati.

Mipaspas pa si Terio sa iyang pagparayeg kang Pinky hangtud nga nakab-ot ra nila ang kalipay’ng hilabihan.

Nakatulog sila tungod sa kakapoy. Milabay ang daghang mga gutlo, unang nahigmata si Pinky. “Ter, Terio, Ter… ala-una na sa hapon, nagsugod na ron ang prosesyon.”

Nagdali sila nga miadto sa bathroom ug naligo. Daw naglumba sila sa pag-ilis. Gitawag ni Terio ang customers booth ug nangayo sa ilang bill. Diha na sila sa grahe sa ubos pagsulod sa roomboy nga nagdala sa bill.

Giparking ni Terio ang iyang motorsiklo sa parking area duol sa videokehan nga didto sila unang nagkita si Pinky.

Dayon misuot sila sa daghang mga tawo nga andam na sa pagsalmot sa prosesyon. (Kataposan)