Mata sa kasingkasing

Sa laing bahin, sa hilom nakaingon si Angeline nga mas pareson sila si Christopher ug Irene. Guwapo si Christopher. Guwapa sad si Irene, maoy muse sa ilang classroom. Kun personalidad ang hisgotan, giangkon ni Angeline nga layo ra siya kun itandi ni Irene. Dili man gud maanyag si Angeline. Nagtuo siya nga usa kini sa hinungdan nga lisod siyang higugmaon sa usa ka lalaki.

Gitingob na lang ni Angeline ang iyang panahon alang sa pagtuon. Lakip ang pagbasa sa mga romance pocket book iyang gilikayan. Maka-impluwensiya man gud ang mga romance novel. Maka-inlove, matud pa. Dili na gusto si Angeline nga ma-in love pag-usab maong gihunong na niya ang pagbasa sa maong matang sa basahon.

Nanglabay ang mga adlaw. Miabot ang gradwasyon. Usa si Angeline nga mipaso timaan sa iyang paglampos sa pagtungha sa high school. Malipayon kaayo siya ug ang iyang mga ginikanan atol sa maong okasyon.

Apan human sa gradwasyon gibati ni Angeline ang kasubo, Gipahibalo siya sa iyang mga ginikanan nga dili na siya makapadayon sa pagtungha sa kolehiyo. Kabos lang sila. -- Sumpayan pa