Ang iyang kalingawan

Dear Tita Salie,

Have a wonderful day. Tagoa lang ko sa pangalan nga Daisy. I am still single and my problem is about myself.

Daghan na kaayo ko og naagian nga mga boy friends. Ambot kun ngano nga malingaw man gayod ko og mga lalaki. I don’t mind kun love ba gayod kong tinuoray sa akong ikarelasyon basta ang importante lang anaa lang gayod sila sa panahon nga manginahanglan ko kanila. Kay sa akong tan-aw usab sa akong kaugaligon dili man pod ko seryoso gayod sa akong mamahimong uyab. Gusto ra nako nga malingaw ko sa akong kinabuhi.

Wala gayoy nagmahay kanilang tanan nga niagi sa akong kinabuhi, Tita. Pareho gayod sila makatilaw nako. Ambot kaha naunsa ko nga malingaw man ko kun magsige og sex. Ug ako ra bang namatikdan nga mora og masakit ko, Tita, luya kaayo akong lawas kondili ko ka-sex. Kinahanglan gayod ko makig-sex. Lain kaayo ang pamati ko sa akong lawas kondili ko gamiton og lalaki.

Mao kini ang akong problema, Tita. Nganong ingon man ko niini? Palihog pasabta ko. Daghang salamat sa imong pagtagad.

-- Daisy

* * *

Dear Daisy,

Sa akong mubo nga panghunahuna mora og wala man seguroy tawo nga kinahanglan gayod gamiton aron magpabilin nga himsog ug healthy ang lawas. Ang lawas sa tawo magpabiling healthy kun kini husto sa pahuway, naa sa oras ang pagkaon, dunay sustansya ang gikaon ug condition ang iyang panghunahuna. Mao lamang kini ang mga gikinahanglan sa lawas sa tawo aron magpabilin kining maabtik og layo sa mga sakit. Sa akong pangedaron karon wala pa koy nahibaw-an nga dunay tawo nga nasakit kay kuwang sa panghilawas.

Naanad ka lamang nga kanunay’ng gamiton tungod kay naanad ka na, nahimo kang addict sa sex. Kay addict ka na man kanunay gayod kang magpangita niini. Unya kondili kini nimo makit-an o kondili ka magamit mao kanang magluya og mora’g maglain ang imong lawas.

Sama kini sa mga drug addict nga kondili sila maka-take og drugs ang uban mag deleryom, magkurogkurog ug ang uban mag-wild. Walay problema ang lawas, anaa sa utok ang problema kay na-addict na man.

Anaa ra sa imong hunahuna nga nasakit ka tungod wala ka makagamit sa imong gipangita. Mao kanang mora ka og magluya, kay imo mang gianad ang imong hunahuna. Ayaw na kini og padayona pa.

Dili tinuod nga masakit ka kondili gamiton. Maoy hunahunaa nga tingali og masakit ka, tingali kun mabuntis ka sa kadugayan. Busa kinahanglan nimo kining hunongon.

-- Tita Salie