Mao nay lawas sa babaye nga akong gusto, Bay,” matud ni Fredo. Hain ato, Bay?” Misuna si Gally. Kadto bang miagi, Bay, nindot kaayo’g lawas. Mao toy gusto nako sa babaye. Wa man ko’y naayonan niadtong bayhana, Fred.
“Di diay ka guwapahan ato?”
“Aw, guwapa man to, pero di man ang ka-guwapa sa babaye ang maka-attract nako, Bay.”
“Unsa man diay ang maka-attract nimo sa babaye, Gal?”
“Ako, Fred, bisan dili guwapa ang babaye, pero naay duha ka dagkong bukid nga mora’g hinog nga pakwan sa dughan, labi na’g hapit na lang magsikit, diha ko patay, Bay. Pero sa hitsura, ikaduha nalang na nako, Bay.”
“Mao ba?”
Milabay ang mga adlaw, mikuyog si Gally sa treasure hunting sa Medellin. Usa ka gabii niana, wala damhang mahiabot si Gally sa bukiran nga bahin sa Paypay. Wala siya masayod kun sakop ba ni sa Medellin o sa Daan Bantayan. Nasaag siya tungod sa kangitngit apan nagpadayon lang siya sa paglakaw subay sa lugot nga gitaliwad-an sa duha ka bukid nga sama sa duha ka dagkong troso nga natumba sa bagyo.
Didto sa tumoy diin nag-abot ang duha ka bukid, mikatkat siya sa kakahoyan nga ingon sa ipil-ipil ka labong og didto’y langub nga nagbugwak og langsang baho. Mikatkat pa gyud siya ngadto sa ibabaw ug misubay sa patag nga walay bisan usa ka kahoy.
“Unsa ba ning akong nasum-okan?” Matud ni Gally sa kaugalingon. “O, nia pay bito,” iyang gitan-aw ang lingin nga lungag nga daw pusod sa usa ka babaye. Didto sa unahan, nahiabot siya sa duha ka bukid nga hapit nalang magsikit nga ingon sa duha ka bulkan ang katalinis niini. Misulay siya pagkatkat apan naligid siya hangtod sa ubos sanglit hamis kaayo ang yuta nga wala gayud bisan usa ka bato.
“Uy! Milinog man,” matud ni Gally. “Hala, mitakilid ang bukid, madat-ogan ako.” Apan sayon nalang ang pagsaka niya sa pikas bukid sanglit nagharag na man kini. Pag-abot niya sa tumoy sa bukid mikabayo dayon siya aron mopahulay tungod sa kakapoy.
“Huh! Unsa ba ning akong gilingkoran nga mora man ni og porma sa atngal sa usa ka babaye.” Sa iyang paghangad didto duol sa iyang ulo ang pikas tumoy sa bukid. “Hesus!” Napasinggit si Gally.”Nia man ko sa ibabaw sa higanteng babaye!” Milihok ang higanteng babaye ug nahulog si Gally ngadto sa pikas bukid.
“Tabang! Tabang! Mapiit ko!” Misinggit si Gally.
“Gal! Gal! Naunsa ka?” Giyugyog siya ni Fredo.
“Huh! Damgo ra man diay, Fred.”
“Unsa may imong damgo?”
“Napiit ko sa duha ka dagkong suso!” (Katapusan)