Maunongon Ang Gugma

Gula 82

Nangandam dayon sila sa pag-agpas sa grupo ni Randy Unson didto sa Carcar.

Naghangos si Jeffrey nga nahiabot sa tugkaran sa payag. Gikan pa siya sa may kakahoyan sa ubos nga bahin sa nahimutangan sa payag kay buot mangayam og mga langgam. Apan nahibalik siya sa payag nga nabalisa pag-ayo.

“Mamiya kita karon dayon dinhi, Danica,” daling hukom ni Jeffrey nga mibulanit gilayon sa iyang bag.

“U-unsa?” Sukit ni Danica nga ingon sa nakugang sa kalit niyang hukom.“P-pero ngano man?”

“May nakita kong mga armadong tawo nga nagpaingon dinhi.”

“M-mga polis ba?”

“Mora’g dili. Basta kay mga armado sila. Tingali’g sila na kana si Randy Unson. Busa kinahanglang makabiya dayon kita dinhi aron dili ta nila maabtan.”

Mikiros si Danica. Nagdalidali kini’g panghipos sa mahinungdanong mga gamit niini.

Dihang nakakanaog na sila sa payag, maoy ilang nalantawan ang armadong mga tawo nga nagsingabot na sa payag. Mipabuto ang maong mga tawo pagkakita kanila. Midali sila’g balik ngadto sa sulod sa payag.

“W-wa gyud ka masayop, Jeffrey,” miluspad ang panagway ni Danica. “Sila si Randy ang nahiabot.” -- Sumpayan pa