Gula 69
“Pag-ilis una’g sinina,” ni Jeffrey pa. “Basa kaayo kanang imong gisul-ob.”
“Bitaw,” ni Danica pa nga misugod na’g kurog sa katugnaw. “P-pero...”
“Pero unsa?” sukit ni Jeffrey.
“T-talikod una. Tingali’g makakita ka’g dili mao samtang mag-ilis ko.”
“Aw, s-sige...”
Mitalikod si Jeffrey kang Danica. Miatubang kini sa bungbong.
Dihadiha nagdali-dali siya’g ilis og sapot. Gihubo niya ang basang sapot nga iyang gisul-ob aron kini ilisan og uga nga sinina.
“A-ayaw baya una paglingi, ha,” matud ni Danica, “kay wa pa ko mahuman.”
“Di lagi,” ni Jeffrey pa.
Kadali rang nakailis si Danica.
“Ikaw na sab talikod,” ni Jeffrey pa dihang nahuman na siya’g ilis.
“H-ha?” Nakugang si Danica.
“Ako na sab ang mag-ilis,” matud ni Jeffrey. “Basa sab kaayo ko.”
Nahikatawa si Danica. Unya mitalikod siya aron makailis na si Jeffrey nga dili niya makita.
“Lutoon ko una kining manok ihalas nga akong nakuha,” ni Jeffrey human makailis og ugang sinina. -- Sumpayan pa