Pingponganista

Dear Tita Salie,

Peace be with you! Just call me Jen, usa ko ka pingponganista. Ug duna koy uyab nga taga UC nga pingponganista usab, tawgon ta lang siya sa pangalan nga Vence.

Aduna koy ka-teammate sa pagduwa og pingpong nga si Hannah. Close friend gyod nako kini si Hannah. Kun dunay practice magkuyog gyod ming duha. Ug bisan walay practice magkuyog gyod mi kay ako man siyang suod.

Kini si Hannah, naibog pag-ayo kang Vence kay ambongan gyod kining tawhana ug maayo pa kaayong moduwa. Apan wala nako siya sultihi nga uyab nako si Vence kay mahadlok ko nga masakitan siya ug dili ko gusto nga maguba ang among friendship, ug mahadlok usab ako nga mosulti kaniya.

Unsa kahay akong buhaton, Tita, buwagan ko nalang ba si Vence aron dili mabungkag ang among pagka close friend ug dili ko mawagtangan og teammate? Palihog pasabta ko, Tita. Thank you very much and more power. -- Jen

* * *

Hello, Jen. Siguro naman imong gisugot si Vence tungod kay nahigugma ka niya. Ug I’m sure ang imong love kang Vence seryoso ug dili duwaduwa lamang. So, kun dunay bili kanimo si Vence, dili ingon niana kadali nga imong bulagan kay takot ka na mawalan ng teammate at kaibigan.

If you love Vence, you have to tell Hannah if it is necessary. But I am sure nga if kauban mo ni Hannah, dili pud siguro si Vence manguyab niya kay kahibalo man siya nga imong teammate ug close friend si Hannah. Walay mahimo si Hannah gawas sa pagpaabot nga manguyab si Vence niya. Normal ra ang moangay o mahigugma, Jen. Ayaw kabalaka kun naibog si Hannah kang Vence, wala kanay problema. Igo ra man siya nga naibog which is natural. Ang problema kun manguyab si Vence kang Hannah.

Ayaw kahadlok nga masayran sa imong amiga ang inyong relasyon ni Vince. Angay siyang magpasensya ug dapat siyang morespeto nimo. Wala siya’y angay ikasuko kanimo. Wala siya’y labot kun uyab mo ni Vence.

Ayaw bulagi si Vence kay wala siya’y nabuhat nga sala. Imo siyang buwagan kun imong nahibaw-an nga nanguyab siya ni Hannah. Kay nianang puntoha wala na siya’y batasan. -- Tita Salie