Ang kapitan sa Danlag, Consolacion, Cebu

Gipagarbo ko ang pagka Kapitan ni Hon. Edwin T. Alin, sa Barangay Danlag, Consolacion, Cebu. Tungod sa iyang pagka maayo lagi nga tawo. Dali siya nga duolon ug sayon usab lagi siya sabuton. Mapahiyumon ug maabi-abihon. Giinterbiyu ko siya bahin sa iyang pagka-politiko, diha usab si Amor Cavan Alin, ang mapinanggaon niyang asawa.

Sumala pa ni Captain Edwin Alin, sa iyang pagpasubli sa pagpapili sa pagka-kapitan sa barangay Danlag kaniadtong Oktubre 25, 2010 si kanhi Arturo Quimod   maoy iyang gikasangka. Si Arturo Quimod usa ka beterano sa politika kay nahimong kapitan sa Danlag sa sulod sa 20 ka tuig sa panahon ni    President Ferdinand E. Marcos.

Nahimo usab kini nga usa ka SB member sa lungsod sa Consolacion, Cebu. Apan napilde sa pagka-konsehal sa eleksiyon sa Mayo 10, 2010. Ang tigulang na nga Arturo Quimod. Wala gayud makadaog ni Hon. Edwin T. Alin, ang kapitan sa Danlag karon nga usa ka batan-on.

Si Arturo Quimod usa ka negosyante nga adunahan. Samtang si Edwin T. Alin, usa lamang ka timawa. Bisan daghan siya og kuwarta alang ikagasto sa politika si Edwin T. Alin, kay usa ka timawa sa politika wala’y ikagasto nga kuwarta. Ang gisaligan lamang niya sa politika ang pagka-maayo niyang tawo sa iyang mga isigkatawo. Kana’y iyang puhonan.

Ania kining mga pangalan karon, sa mga barangay official sa barangay Danlag, Consolacion, Cebu, uban sa ilang mga binulan nga ‘honorarium sa (IRA) kon Internal Revenue Allotment nga ilang madawat.

Hon. Edwin T. Alin (Captain) 7, 200; Hon. Henry A. Villamor (Councilor) 5,780; Hon. Margo R. Quimod (Councilor) 5,780; Hon. Donn V. Ouano (Councilor) 5,780; Hon. Eden E. Capangpangan (Councilor) 5,780; Hon. Romero A. Alin (Councilor) 5,780; Hon. Ranulfo A. Senande Jr. (Councilor) 5,780; Hon. Medalyn G. Tudtod (Councilor) 5190; Hon. Mary Joy Joy-Apas SK Chairman 5,780; Mrs. Esther F. Mantuhac, Barangay Treasurer 5,780; Mr. Bienvenido P. Goc-ong- Barangay Secretary 5,780.

Samtang ang ilang mga barangay tanod mao usab kining mga mosunod, ang ilang mga ‘honorarium’ nga madawat sa ilang pagserbisyo sa mga tagsa-tagsa nila ka mga katungdanan nga gialagaran: Mr. Efren Nahunan, tanod chief-1,000; Mr. Felipe Pepito - asst. tanod chief 900; Mr. Erwin Quimod-Secretary- 900; Mr. Alfredo Alin - member - 900; Mr. Mauro Cantago - 900; Mr. Marlito Salaum - 900; Mr. Robiner Pamotongan 900; Mr. Edsel Alin - 900; Mr. Marcelito Hastia-900; Mr. Ramil Maranga 900; Mr. Constancio Yalaya - 900; Mr. Rey Capangpangan- 900; Mr. Elino Gelir - 900; Mr. Pedro Mantuhac- 900; Mr. Bernardo Mantuhac-900; Mr. Prudencio Igot - 900; Mr. Helario Capao - 900; Mr. Rogelio Barangan - 900; Mr. Juan Arnoco-900; Mr. Eduardo Cabiquez 900.

Ang lote nga 200 square meters nga maoy giugbokan sa Danlag barangay hall, donasyon nila ni Mr. & Mrs. Necolas Alin family. Ang buotan ug manggihatagon nga kapamilya ni Kapitan Edwin T. Alin.

Hinuon kining barangay Danlag, ang mga pamilya nga Apas ug Alin hilabihan gayud niining daghana. Busa, sa mga bugno nga politikanhon ang mga pamilya nga Apas ug Alin lisud gayud hinuon peldihon. Busa si Captain Edwin T. Alin sa politika dili gayud sayon buntogon. Sumala pa sa mga lumolupyong mga katawhan nga pulos gyud mga Danlaganon.