Mapahimuslanon

Gula 3

Gitagbaw og maayo ni Jeffrey ang iyang mga mata sa pagtan-aw sa makabibihag nga lawas ni Kim nga nagsayaw sa stage. Gisinyasan ni Jeffrey ang usa ka waiter sa pagduol kaniya.

“Inigkahuman og sayaw ni Apple gusto nako siya nga itibol ha?” gihunghongan ni Jeffrey ang waiter. Tuod, miduol kaniya si Kim nga naila nga Apple sa bar.

“Pwede ba nga makigtibol nimo Apple?” nagtingsi si Jeffrey. “Hala! Ikaw man diay ni Sir Jeffrey!” Wala magdugay-dugay si Kim sa paglingkud sa lingkoranan nga giandam na daan sa waiter alang kaniya.

Gisinyasan ni Jeffrey ang waiter sa paghatag og drinks kang Kim. “Naglaway ko gatan-aw nimo nga nagsayaw Kim, nindot g’yud diay kaayo ka’g lawas,” ni Jeffrey pa nga nangomedya sa dancer.

Mipahiyom kaniya si Kim ug kalma kaayo nga giagbayan ni Jeffrey ang dalaga. “Karon na lang ta magdeyt Kim human sa imong pagsayaw kay sigurado na man g’yud to nga approve ang imong job applications.”

“Sure ka Sir ha? Sigi huwata ko inig off nako pero unya pa sa alas tres sa kaadlawon,” giingnan ni Kim si Jeffrey. Sa unang higayon gigakus ni Jeffrey si Kim.

“Ayaw ko’g hagki dinhi sa public Sir kay mawala ang respeto nako sa mga customers. Huwata na lang unya,” ni Kim pa. “Sayaw sa ko ha? Ako na nga turn ang pagsayaw.”

Gisud-ong pag-usab ni Jeffrey si Kim nga misugod na pagsayaw sa stage. Nagpahiyom si Jeffrey nga nagsud-ong sa lawas ni Kim samtang kini nagsayaw.

Daw dili na makahuwat si Jeffrey nga moabot ang alas tres sa kaadlawon. Gikuot ni Jeffrey ang iyang pitaka ug giihap ang iyang kwarta. Kapin pa sa P3,000 ang diha sa iyang pitaka.

Gitawag niya ang waiter. “Pila’y bayranan kun i-out nako si Apple?” Mihunghong ang waiter kang Jeffrey. “P1,500 ang bar fine Sir.”

Pagbalik ni Kim sa lamesa ni Jeffrey iya dayong gisultihan si Kim sa iyang plano. “Bayran nako ang bar fine Kim para maka-checkout na ta. Dili na ko makapaabot sa alas tres.”

“Nagdali ka g’yud diay no? Sige ikaw ang mag-igo kay ikaw man ang mobayad,” ni Kim pa.

Nanggawas dayon sila si Kim ug Jeffrey. Mipara si Jeffrey og taksi. “Bai, sa V. Rama,” giingnan dayon ni Jeffrey ang drayber nga nakasabot nga adto sila sa motel sa maong dapit. (Sumpayan)