Mga adik sa hi-tek

Nikuyanap na ang mga mabagang katawhan sulod ning kalibutan, ug nagkataas na usab ang kalantip sa kinaadman, hinungdan nga mipatigbabaw na usab ang mga kahibalo diha sa halapad ta nga kasinatian kabahin sa teknolohiya.

Sa unang panahon sa atong katigulangan, adunay de baterya nga radyo, gisundan kini sa kuryente, telebisyon, telepono, aircon, cellphone, computer, internet ug ang nagkadaiyang imbento nga namugna sa tawo.

Ug tungod niining tanan, ang mga kabataan lakip na ang mga dagkung tawo, anaa na lang magyampungad sa mga internetan ug hikalimtan na lang gani nila ang pagkaon ug uban pa nilang gimbuhaton ug ang ilang pagtuon.

Sa laktod gibun-agan kita dinhi’g mga surplus, inom, sugalan, sigarilyo ug uban pang mga bisyo, ug dili na hinuon kita makahunahuna’g unsay maayo, ug ang numero uno, ang pagkawalay trabaho sa atong mga kinabag-ang Pilipino, ug labaw sa tanan, wala’y puas ang mga pangurakot diha sa atong mga kadagkuan dinhi sa gamay’ng isla nga mao ang Pilipinas.

Naghitak dinhi sa nasud ang mga mangingilad, tulisan, kawatan, mga snatcher, hold-upper, kidnapper ug nagkahanap na og maayo ang atong hustisya tali sa kabus ug sa mga adunahan, kay ania na dinhi magalublob ang mga dagkung buaya — ang mga adik sa hi-tek nga katilingban sa atong panahon dinhi sa atong nasud nga Pilipinhon.