Ang mga hunahuna nga gipadayag dinhi iya ra sa tagsulat ug walay labot ang Banat News ug mga sakop niini.
Sa Mindanao molupad ang imong hunahuna kun imong makita ang ka abunda sa agrikultura, nagkadaiyang mga prutas sama sa Piña, Duryan ug labaw sa tanan saging nga maoy gisaligan sa atong nasud.
Luyo sa maong ka abunda nga atong makita sa mga dagway sa atong mga kaigsoonang Kristiyano ug Muslim lahi ang atong nakita kay kalisang o kahadlok man hinuon gumikan kay ang maong lugar walay bili ang kinabuhi. Dili na maihap sa atong mga tudlo nga kinabuhi ang nausik, gumikan sa kagubot nagkadaiyang mga prinsipyo nga hangtud karon wala gyuy kahiusahan.
Gubat tali sa gobiyerno ug sa nagkadaiyang pundok MILF, MNLF, NPA ug sa bandidong Abu Sayyaf maayo unta kun ang maong kagubot sila ra ang maapektaran o mangamatay.
Ang sakit mao ang kadaghanan mga biktima mga inosente, dugay’ng katuigan nag agwanta ang katawhan sa maong lugar ug nahimo na para kanila nga ang maong sistema ordinaryo nalang.
Tinuod ang mensahe sa kanta nga gihimo ni Fredie Aguilar nga ang title Cotabato ug matud sa usa ka linya “Pinoy kapwa Pinoy ang naglalaban doon sa Mindanao...marami ang dugo ang dumanak sa lupa ng Mindanao.”
Ang ubang mga igsoon nato mibiya nalang sa Mindanao aron di mamatay.
Bisan pa kinsa ang mamahimo natong pangu sa nasud padayon gihapon ang maong kagubot gumikan kay kalagot ang nipatigbabaw ug dili ang gugma sa tagsa-tagsa.
Kun ang tagsatagsa ka grupo adunay tinguhang kalinaw dili imposible nga makab-ot, apan kay ang nipatigbabaw kabahin sa adlaw-adlaw nga panginahanglan walay kalinaw nga naghuwat sa maong lugar, ang pangutana pila pa kahang kinabuhi ang kinahanglang isakripisyo? Aron lang matuman ang ilang mga tagsa tagsa ka tinguha o ang kanilang ipinaglalaban, kanus-a kaha sila magpabiling buta aron dili nila makita ang kamatuoran nga dugay’ng panahon nag-ampo ang katawhan sa maong kalinaw.