Musika alang sa katawhan

CEBU, Philippines -  Dakong damgo ni Therese nga mamahimong compositor. Hilig niya ang musika. Ang tanan niyang komposisyon kay puno sa kalipay pero ang iyang kinabuhi kay puno sa kasakit. Sa iyang pagkabata kay miserable ang iyang mga kaagi wala gayud siya makatungha apan naningkamot gayod siya nga makat-on.

Sa pag-edad ni Therese og 15 anyos nagsugod siya og usa ka banda ug nagpadayon sa pagmugna og kaugalingong musika. Hangtud karon mao kini ang iyang pamaagi aron makakwarta. Gigamit niya ang maong salapi aron sa pagtabang sa iyang pamilya. Ang iyang amahan kay puno sa mga problema diin dili na niini kayang suportahan ang ilang pamilya.

Milabay ang duha ka tuig namatay ang iyang inahan. Gisakitan siya pag-ayo apan wala siyay mahimo kung dili ang pagdawat sa kamatuoran. Padayon siyang mitabang sa iyang mga igsoon.

Gipadayon niya ang pagtugtog og musika alang sa katawhan hangtud nga miabot ang panahon nga dili na kaayo siya makadungog hangtud nga siya nahimong bungol. Puno siya sa kaguol ug kalagot sa iyang kaugalingon ug maguba na lamang niya ang mga kwerdas sa iyang mga instrumento tungod kay alang kaniya, “musika maoy iyang kinabuhi” apan gibawi pa gayod ang iyang pandungog.

Gipadayon niya ang paghimo sa musika apan lisud na alang kaniya ang pagtugtog atubangan sa publiko. Ang katapusan niyang tugtog kay puno sa kalipay ug iyang nakita sa mga katawhan kung giunsa niini paghigugma ang iyang musika.

Hangtod karon nagpabilin lang gihapon ang maong musika alang sa panumduman sa mga katawhan nga nagpadayon og puyo ning maong kalibutan. (Katapusan)