Manag-agaw diay

Dear Tita Salie,

Have a wonderful day. Ako si Cristy of Balamban, Cebu. I just want to ask for an advice concerning my problem.

I am still single but no longer available because naa na koy boyfriend for five years na ang amo relationship. Nag-live in na mi karon ug duna na mi anak.

We really love each other, Tita. Dili na gyod mi makatugot nga magkabuwag pa mi labina karon nga duna na kami anak. But it is sad to say, that just lately we found out nga cousin diay mi. Na-shock gyod mi’g duha. Wala ko kasabot sa akong feeling mora ko’g kahilakon kay nahadlok ko unyag magkabulag mi. Mora pud ko og makatawa kay nganong nagpatuyang ming duha ug nakaanak pa mi una usa pa namo nahibaw-an nga manag-agaw diay mi

Hangtod karon wala pa mi makadisisyon kun unsay among buhaton. Amo lang gipugngan nga dili namo maestoryahan ang maong isyu kay pareho kaming duha wala kahibalo kun unsay buhaton.

What should I do, Tita, should I break him up? Nag-plan na ra ba unta mi nga magpakasal. Please, Tita, we need your advice. Thank you very much and more power. -- Cristy

* * *

Dear Cristy. Daghan karon sa atong mga kabatan-onan o bisan edaran nga deretso lang og palami bisan kun wala pay tabitabi. Sa mga niaging buwan adunay nigawas nga balita nga nikuyanap ang usa ka matang sa sakit dinhi sa Sugbo sakit nga makuha gikan sa pagpakighilawas. Ug ang kasagaran niining nabiktima mao ang mga tawo nga anaa nagtrabaho sa call centers. Ug tungod sa maong balita nigawas ang istorya kabahin sa mga panghitabo sulod sa maong mga buhatan ug matud nila maoy hinungdan nganong ingon niadto ang sakit nga midagsang.

Kondili pa lang unta ingon niini ang mentality sa ubang tawo malikayan gyud ang ingon niining problema. Kondili pa lang sila mogamit sa mga tawo dili pa kaayo nila kaila, o dili nila asawa o bana malikayan gyod unta ang pagkuyanap sa maong sakit.

Siguro cousin mo sa imong kapuyo karon apan dili na kaayo duol sama sa first o second degree tungod kay taud-taod na man kamo nga nagpuyo usa pa ninyo nasayran ang tanan. Ug kun layolayo na ang inyong pagkamanag-agaw sama sa 3rd degree pataas puyde na kamong minyoon.

Busa sa sunod ug sa inyong mga anak dapat dunay “background check” aron malikayan ang mga kakulian. -- Tita Salie