Ang sinugdanan anaa sa kataposan

“Pero may dala kong regalo niining akong pag-anhi nga mas labaw mong ikalipay,” nagkanayon si Brendan nga ligdong kaayo og panagway.

“Unsa kana?” Mitutok si Colleen sa ulitawo.

“Ang imong kagawasan.”

“W-wa ko ikaw hisabti?”

“Let’s be honest, Colleen. Nasayod ko nga sukad sa atong panagrelasyon, wa ka gayod makasinati og kalipay. Nasayod kong napugos ka lang pagdawat sa akong gugma, kaha tungod sa akong pagpamugos sa akong kaugalingon.”

“B-Brendan...”

“Nasayod ko nga hangtod karon wa ka gihapon mobati og paghigugma kanako. Nakaamgo ko nga di angay nga ipamugos ko ang akong kaugalingon kanimo tungod kay kitang duha ang mag-suffer niini. Mao nga panahon na tingali nga hatagan nato’g kagawasan ang atong kaugalingon.”

“U-unsay buot mong ipasabot?”

“Break-up ang tukmang solusyon sa atong problema, Colleen. Putlon ta ang atong relasyon tungod kay dili man gayod kini mo-prosper tungod kay dili mo man katugbangan og gugma ang akong paghigugma kanimo. Busa mas maayo pa nga magbuwag ta aron sa ingon, gawasnon ka nang mangita sa lalaki nga angay mong higugmaon ug gawasnon na usab akong mangita sa babaye nga angay kong higugmaon.” -- Sumpayan pa