Nahigugma sa hilom

Dear Tita Salie,

Good day, Tita. Just call me Miss Cancer only 19 years old and still single.

I don’t have a boyfriend yet, pero ang akong problema mahitungod sa akong heart. Wala gyod kini makapagawas sa iyang gibati ug kanunay lamang giluom.

Duna koy close friend nga usa ka lalaki. Buotan kaayo siya halos tanan nga positive attitude anaa kaniya ug gwapo pa gyod. Wala gyo’y babaye nga dili makagusto niya.

Nahigugma gyod ko niya, Tita, sa hilom lang kay wala man gyod siya masayod sa akong gibati ngadto kaniya. Apan higala ra man gyod ang iyang pagtagad kanako. Kun magkuyog sila sa iyang uyab mora og kumoton ang akong kasing-kasing sa kasakit kay magselos gyod ko.

Unsa may akong buhaton, Tita, aron makita niya nga nahigugma ko niya? Husto ra ba nga magparamdam ko niya nga lahi na ang akong feeling ngadto kaniya? Palihog pasabta ko. Thanks a lot. -- Miss Cancer

* * *

Good day to you too, Miss Cancer. Mao kini ang nakalahi sa atong kultura nga mga Pilipino kay dili puyde nga kitang mga babaye ang mopadayag sa atong pagbati ngadto sa usa ka lalaki. Apan pait kaayo nga palandungon kay duna nay uban sa atong mga kababayen-an nga may pagka liberated na og panghunahuna. Ug sila na mismo ang mopadayag sa ilang gibati ngadto sa lalaki, labina sa atong mga kabatan-onan karon. Ug matud pa nila dili na uso ang Maria Clara.

Subo tuod nga hunahunaon kun kita adunay pagbati sa usa ka tawo unya wala gyod kini makita sa tawo nga atong gihigugma. Mas pait pa gyod kini kun ang maong tawo nga atong gihigugma lahi ang gihigugma ug kita gituring lamang na isang kaibigan.

Dili man seguro daotan nga magparamdam kaniya basta imo kining butangan og limitasyon. Imo lamang ipakita niya nga concern ka o ni-care ka niya, but not to the point nga mawad-an siya og respeto nimo ug abusaran ka niya. Be matured and professional in dealing with your feelings ngadto sa guy.

But if he is that good and faithful person ngadto sa iyang girlfriend dapat imong dawaton kun dili gyod ka higugmaon niya. -- Tita Salie