Walay salig

Dear Tita Salie,

Have a great day, Tita and I hope and I pray that you are fine.

Just call me “miss confused”, just 18 years of age. I have a boyfriend and I love him very much. Ug naa siya karon sa Dapitan. Layo gyod kaayo mi sa usa’g-usa.

Maglagot man god ko sa akong kaugalingon kay kanunay ko magselos kaniya. Negative gyod kanunay ang akong hunahuna kaniya nga duna siya’y gikalingawan nga laing babaye.

Bisan kun wala siyay gihimo nga daotan sa among relasyon apan dili nako tuyoon nga magselos. Maong kanunay ming mag-away. Seguro tungod sa among sitwasyon nga layo sa usa’g-usa mao kaha nga ingon ko niini? Mora ba og wala koy salig kaniya. Sa akong hunahuna nga mangita siya og lain.

Nganong ingon man ko niini, Tita? Unsa may angayan nakong buhaton aron mahunong kining akong kinaiya? Palihog pasabta ko. Thank you very much and more power. -- Miss Confused

* * *

Hello, miss confused. Ang pagkaseloso o selosa wala sa tawo nga atong giselosan. Ang problema sa tawo nga atong giselosan kondili anaa kanato nga nagselos. Ang problema anaa kanimo kay wala kay salig sa imong boyfriend. Ug kini nagpamatuod usab nga wala kay salig sa imong kaugalingon. Kay misalig ka sa imong kaugalingon nga bisan kun wala ang imong uyab dili gyod ka mangita og lain imo usab kanang mahunahuna nga bisan layo ka niya dili usab siya mangita og lain kay ikaw ra gyod ang iyang higugmaon.

Imo kining sakit nga nagsugod sa dihang wala ka pay panabot o maybe dihang anaa ka pa sa tiyan sa imong inahan. Apan ikaw ra gihapon ang makatabang sa imong kaugalingong sakit. Bisan pa man kun unsaon pagbinuotan sa imong boyfriend kun selosa gyod ka magselos gyod gihapon ka niya.

Kun mabali ang sitwasyon, mosugot ka ba nga magsige og selos ang imong boyfriend kanimo bisan kun nagtinarong ka sa inyong relasyon. Mosugot ba ka kun wala siya’y salig kanimo bisan kun alang kanimo dapat ka niyang saligan.

Hinayhinayi pagtambal ang imong kaugalingon. Kun nasayod ka na nga selosa ka, pangutan-a kun makaayo ba kini sa inyong relasyon, kondili, aw, dapat lamang kining undangon. -- Tita Salie