Walay gililong

Dear Tita Salie,

Good day, Tita. Tagoa lang ko sa pangalan nga Emie, 23 years of age, minyo apan bulag na sa bana. Tulo na ka tuig ang nakalabay ug iya kong gibinlan og duha ka mga anak.

Bisan paman sa akong kahimtang nakahimo lang gihapon ko pagdani og usa ka binuhat ug usa pa gyod ka ulitawo. Nakauyab ko og usa ka seaman, 28 years old na siya ug bag-ohay lang nilarga balik sa gawas.

Sukad sa iyang paglarga, wala gyoy adlaw nga molabay nga dili siya manawag nako.Kanunay among communication ug matud pa niya nga inigbalik niya mag-ipon na kami pagpuyo.

Wala koy gililong sa akong pagkatawo ngadto kaniya. Nasayod gyod siya sa tanan nga nahitabo kanako gusto gyod niya nga among ipadayon ang among gugma.

Mahal na mahal nako ang maong lalaki, Tita, apan minyo man ko, tulo na mi ka tuig nga nagbulag sa akong bana. Unsa may akong buhaton? Palihog pasabta ko. Thank you very much. God bless. -- Emie

* * *

Dear Emie, kabata pa baya nimong nagbulag sa bana. Sa akong tan-aw mora og wala pa gyod mo matagbaw sa usa’g-usa. Sa akong tan-aw morag sexy ug gwapa gyod. Dili lang gwapa ug sexy buotan pa gyod kay nakahimo pa man ka pagdani og laing binuhat. Ang nakanindot kay wala pay kabilinggan sa kinabuhi, usa pa gyod ka ulitawo. Ug I think na-inlove gyod siya kanimo sa tinuoray kay wala man niya igsapayan ang imong kasinatian.

Kun may plano gyod siya alang kaninyong duha, paningkamot nga malimpyo ang imong pagkatawo. Buot nakong ipasabot nga since kasal ka man sa una pangita’g paagi nga mag-annul ang imong unang kaminyoon aron mamahimo kanang gawasnon.

Hangyoa usab ang imong hinigugma nga since may kwarta man siya kay abroad man, magpatabang ka sa mga gastohan alang unya sa pag-process sa annulment papers.

Dili man maayo kun modiretso ra mo og live-in kay dili man gyod mo makasal kay minyo pa man ka. Kun mag-livein mo unya moabot ang imong bana ug diskompyado siya puyde mo niyang ikiha. Kun iya kining buhaton lain usab unya nga problema ang inyong sagubangon. -- Tita Salie