Naghilak nga Bituon

Gula 96

“Gitago nako sulod sa dugay’ng panahon ang akong gugma kanimo sa pagtuo nga dili kita angay sa usa’g-usa,” nagkanayon si Ethan. “Nasayod ko nga taas ka kaayo’g pangandoy sa kinabuhi. Misamot na dihang nag-artista ka. Ingon sa hingpit na gayod nga nawagtang ang akong paglaom nga maangkon ang imong gugma. Mao nga gitakli nako ang akong gugma kanimo ngadto kang Joan. Pero wala mag-prosper ang among relasyon tungod kay nagluib siya sa among gipanumpaan.

“Karon nga gitug-anan na ko nimo sa matuod,” ni Jackie pa, “gusto sab kong masayod ka nga ikaw ang hinungdan sa akong pag-artista. Gusto kong makuha ang imong atensiyon pinaagi sa akong popularidad. Apan disappointed kaayo ko kay midistansiya ka na man hinuon og maayo nako.”

“Gusto ko’g simpleng kinabuhi, Jackie. Kanang kinabuhi nga may privacy. Maong nagtuo ko nga dili kita compatible tungod kay gusto man nimo ang kinabuhi sa usa ka celebrity. Gawas pa, dili ko nimo ikapasigarbo ngadto sa mga tawo.” -- Taposon sunod gula