Girapido

“Bang!” sa dagang guwang, nga si Luping, nga mipusil sa iyang kaugalingon gamit ang iyang tudlo nga giporma og pusil, atubangan sa dakong samin.

“O! Unsa na, Luping! Usa ra ka buto, ug wagtang na ang nakahasol sa imong hunahuna?” sukna sa maguwang babaye, nga si Malyang, nga usa usab ka dagang guwang. Epiktibo gayud ang pamaagi sa maguwang, ug nga, maoy iyang gipaambit ngadto sa iyang manghod aron sa pagwagtang sa butang nga maoy pirming mohasol sa iyang hunahuna. Kaganina man gung buntag wa tuyoa ni Luping, nga makakita sa buhi sa iyang amo nga lalaki, nga si Don Elmon, sa dihang mosulod unta siya sa kwarto aron sa paghatod sa gisugo niini. Gibati niya ang alingasa sa dihang nakakita siya sa tiunay’ng bayhon sa usa ka buhi sa lalaki nga maoy nakapahasol sa iyang imahinasyon. Dili gyud siya malimot sa maong talan-awon ug nga maoy sige’g samok sa iyang panghunahuna.

“Ay sos..! salamat gyud kaayo, Manang! Nawagtang gyud tinuod ang nakahasol sa akong hunahuna” ni Luping nga malipayon sa dihang iyang nabatyagan nga nawagtang gyud ang butang nga perming nakahasol sa iyang hunahuna.

Ug nananghid si Luping sa iyang igsuon. Mibalik siya sa balay sa iyang amo nga dili ra halayo sa balay sa iyang igsuon. Basin og gipangita na siya sa iyang mga agawon nga iyang gi-alagaran isip usa ka katabang. Apan pag-abot niya sa balay sa iyang amo maoy misugat sa iyang panan-aw ang hubog nga anak, ni Don Elmon, nga si Dante, nga nagpa-undayang la’g pangihi sa ilang nataran. Maayo gyung pagkasabak sa iyang panan-aw ang buhi nga haskang dakoa sa ulo nga nagpabuhagay sa iyang ihi.

“Ay sos koooo .... ginoooo...! nakakita na usab ako! Di-dili na usab ako mahimutang niini ron. Permi na usab kining mohasol sa akong hunahuna”, ni Luping nga nagpangurog nga nagkapangayugpos tungod sa gibating kainit sa kalawasan bunga sa iyang nakita. Ug nakahukom ang babaye. Mobalik siya sa balay sa iyang igsuon, aron didto, pusilon na usab ang iyang kaugalingon aron sa pagwagtang sa butang nga nakahasol na usab kaniya. Ug tuod man, didto sa sulod sa kwarto sa iyang maguwang atubangan sa dakong samin, nakapahiyom na usab kini human niya gipusil ang iyang kaugalingon aron sa pagwagtang sa butang nga nakahasol na usab kaniya. Ug tuod man, didto sa sulod sa kwarto sa iyang maguwang atubangan sa dakong samin, nakapahiyom na usab kini human niya gipusil ang iyang kaugalingon. Nawagtang na usab ang butang nga bag-o pang mihasol sa iyang hunahuna.

“Oy, Luping..! kun pwede, paningkamoti gyud intawon nga di ka na makakita pag-usab aron di ka na mahasol pa” pahimangno sa iyang maguwang, nga si Malyang. Miuli na usab si Luping sa balay sa iyang amo. Apan unsang pagka-hitaboa nga sa pag-abot niya sa luyong bahin sa dakong balay. Maoy iyang nakita ang driver sa ilang amo, nga si Eduardo, nga nag-brief lang naligo. Ug tungod sa kadako sa buhi ni Eduardo, miguwal gyud ang ulo sa iyang buhi, ug nga, maoy nakapatiurok na usab sa mga mata ni Luping.

“Unsa naman intawon ni Ginoo uyyy ... nakakita naman sad ko ani...” ni Luping nga nagpangurog na usab. Ug mao gihapoy gibuhat sa dagang guwang. Mibalik na usab siya sa balay sa iyang maguwang aron pusilon na usab ang iyang kaugalingon. Apan mingaw ang palibot sa dihang niabot siyang misulod aron adto magpusil sa iyang kaugalingon. Apan pagsulod niya sa kwarto maoy iyang nakita og nadungog ang gibuhat sa iyang maguwang.

“Ratatatatatttttt!!!!!” sa maguwang nga mirapido sa kaugalingon atubang sa dakong samin gamit ang duha ka kamot nga giporma og duha ka pusil.

“O-oyyy manang! Ngano gung gi-rapido man nang imo? Ingon ka tagsa lang ka buto, ug igo na kini aron mawagtang ang maong kahasol sa hunahuna” sukot sa manghod.

“Ay daaa ... Luping! Di nako rapiduhon nga haskang daghana man tong buhi sa mga lalaki nga akong nakita. Tua didto ay. Akong nahinagboan. Mga batan-ong nanggihubo nga nanagdagan kay nangi-rally kuno to sila batok sa ilang eskuylahan,” ni Malyang, nga mition pag-usab sa iyang mga tudlo ngadto sa iyang kaugalingon, aron pagrapido pag-usab. (Katapusan)