Naghilak nga Bituon

Gula 91

“S-sorry sa nangagi, ha,” gikan ni Ethan. “Sa atong panaglalis kaniadto.”

“Hikalimti na kadto,” ni Jackie pa. “Kun tukion pag-ayo, ako’y angay mangayo og pasaylo nimo. Ako’y nakaingon sa atong panaglalis.”

Eksakto sa oras ang pag-abot nila ni Jackie sa gipuy-an ni Joy Lorenzo sa New Manila, Quezon City. Nagpabilin si Ethan sa sakyanan. Si Jackie ray misulod sa balay sa iyang manager.

“Maglisod na ako sa pagbaligya kanimo ngadto sa mga producer ug direktor sukad nawagtang ang loveteam ninyo ni Jerome,” nagkanayon si Joy Lorenzo sa ilang panagsulti. “Apan may kahigayonan pa nga magpadayon ang imong showbiz career kun mosugot ka niining akong sugyot.”

“Unsa kana?” Sukit ni Jackie.

“Mag-all the way ka sa pelikula.”

“U-unsa?”

“Yes. Mag-bold ka. Maglisod na kita karon sa pagpamili og wholesome nga pelikula alang kanimo. Pero kun mag-bold ka, may chance pa nga magpabilin ka sa sirkulasyon sa showbiz. Si Direk Wenn Ramos may gitanyag nga bold film alang kanimo. Dawata ang maong project. Kini na ang imong last recourse.”

Naghunahuna sa makadiyot si Jackie. -- Sumpayan pa