Tukso - Gula 3

Mibarog na pag-ayo ang Junior ni Ador sa tanto nga huhapohap ni Red Lips sa iyang paa.

“Ako’y mobunyag nimo Ador kay inosente ka pa man kaha sa romansa og usa ka babaye,” daw matintalon kaayo si Red Lips. “Bay Ador, tangdoa na kana si Red Lips… Kun ako pay natumong sa imong lugar dugay pa ang manikop, tangdo dayon ko.”

Mihunghong si Ador sa higala niya nga si Willy. “Unsay akong buhaton Bay? Siya kuno ang mobunyag nako?” Daw wala masayod si Ador unsay iyang buhaton. Gipasiklapan niya ang nag-amag nga paa ni Red Lips.

“Dunay private room sa taas mahimong balhin mo didto para makalugar ka,” mibawos paghagawhaw si Willy kang Ador. “Red Lips, pilay akong mabayran kun mobalhin ta sa private room? Mosugot ka adto na didto?” gipangutana ni Ador ang dancer.

“No problem. One thousand five hundred ra ang room rate apan duna ka nay tulo ka botelya nga beer ug tulo ka ladies drink. Tana para bunyagan tika,” matud ni Red Lips nga mihana dayon sa pagtindog.

Gisinyasan ni Willy ang waiter aron matabangan sila si Ador sa pagbalhin sa ilang ilimnon didto sa taas. Nagpabilin ra si Willy sa silong kay nalingaw kini nga nagtan-aw sa mga dancers nga nagpuli-puli pagsaway nga nag-two piece lang.

“Asa dapit ang agianan paingon sa private room Lips?” gipangutana ni Ador ang dancer. Nakita ni Ador nga nagpaingon sila niadtong bungbong. Giduot sa dancer ang usa ka bahin sa bungbong nga nahimutang sa ngitngit.

Nakurat si Ador kay natukas ang bahin sa bungbong nga giduot ni Red Lips. “Pagdali, sulod dayon,” giingnan sa dancer si Ador. Mibalik pagsirado ang sekreto nga pultahan paingon sa private room.

Wala g’yud magtoo si Ador nga luyo niadtong bungbong nga nahimutang sa ngitngit nga bahin, duna diay sekreto nga pultahan.

“Bantug ra nga may mokalit lang pagtunga didto sa ngitngit ganina kay gikan diay to sila dinhi,” nagkitab-kitab ang ba-ba ni Ador. “Nahibulong ka? Gituyo namo ni kay aron nga kun moinspection ang taga CAIB dili sila makasakop sa private room,” matud ni Red Lips.

Misulod sila sa gamay’ng kwarto. Milingkod pag-una si Red Lips niadtong lingkoranan ug mitupad si Ador. Direkta nga gitapion ni Red Lips ang iyang kamot sa paa sa ulitawo. Dayon, mihinay kini pagsibog sa nahimutangan ni Junior. (Sumpayan)