Naghilak nga Bituon

Gula 78

Nag-flop usab ang labing ulahing pelikula ni Jackie diin gipares siya ngadto sa usa ka matinee idol. Gilangaw sa takilya ang ilang pelikula.

Hinuon, malipayon gihapon si Jackie tungod kay luyo niining tanan, going strong man ang relasyon nila ni Cong. Julio Dechavez.

Sanglit dili na kaayo busy sa showbiz, nakahigayon si Jackie sa pagbakasyon sa Sugbo aron pagduaw sa iyang mga ginikanan. Wala pa gihapon mausab ang daily routine sa iyang mga ginikanan. Busy sila sa pag-atiman sa ilang negosyong panapton nga may duha na ka branch sa dakbayan sa Sugbo.

Nakigkita usab si Jackie kang Gilda. Nagbalitaay sila mahitungod sa ilang lovelife. Minyoonon na diay kini ngadto sa CEO sa Fortune Unlimited Management Consultancy, Inc., usa ka dakong kompaniya nga nagbase sa Sugbo. Nalipay si Jackie sa suwerteng midangat sa iyang higala.

Nahisgotan pud ni Gilda nga nagkabulag sila si Ethan ug Joan. Nakahigala si Joan og Amerikano pinaagi sa internet. Mianhi gayod ang maong Amerikano sa Sugbo aron pagpakigkita ni Joan. Mikuyog si Joan sa maong langyaw sa pagbalik niini ngadto sa Amerika, biniyaan si Ethan nga nagmasulub-on. Si Ethan atua na usab manimpalad sa Manila aron mahikalimot sa gibuhat ni Joan ngadto niini. -- Sumpayan pa