Naghilak nga Bituon

Gula 72

“No comment,” ni Flip pa sa iyang statement ngadto sa taga media. “Hindi ko na pag-aaksayahan ng panahon ang maliit na bagay na ‘yan. Marami pang mas mahalagang bagay na dapat kong asikasuhin at pagtuonan ng pansin.”

Misalir gayod ang pamaagi sa manager ni Jackie!

Mibalik ang kahumot sa loveteam nila ni Jackie ug Jerome. Misamot na hinuon kakombinsido ang publiko nga may relasyon gayod sila sa tinuod nga kinabuhi ilabi na nga nagpatawag si Joy Lorenzo og lain pang presscon diin gipresentar sila ngadto sa media nga very sweet kaayo.

Mihimo sila’g laing gimik aron gayod motuo ang publiko nga dili lang kutob sa loveteam ang ilang relasyon. Naghalok sila atubangan sa press people.

Mi-guest usab sila si Jackie ug Jerome sa lainlaing mga programa sa UBS-CVN diin ilang gipakita ang ilang extra sweetness sa usa’g-usa. Tungod sa maong mga gimik, nagpabilin sila nga hottest loveteam sa tibuok Pilipinas.

Nahinayon gayod ang pagpasalida sa ilang bag-ong teleserye sa UBS-CVN. Under negotiations na usab ang laing movie project nga gi-offer kanila sa usa ka higanteng independent movie outfit.

Hapsay kaayo ang dagan sa career nila ni Jackie ug Jerome. -- Sumpayan pa