Naghilak nga Bituon

Gula 70

“A-alang sa unsang katuyoan?” Sukit ni Jackie nga wala makaagpas sa tumong sa iyang manager.

“Gusto ko nga i-deny mo sa atubangan sa media ang tanang pangangkon ni Flip Garcia,” tubag ni manager.

Nakugang si Jackie sa gisulti ni Joy Lorenzo. Gusto sa iyang manager nga motubag na siya sa revelation ni Flip ug iyang ipanghimakak ang tanang gisulti sa lalaki atubangan sa taga media mahitungod kanila.

“Kini lang ang bugtong paagi sa pagluwas sa loveteam ninyo ni Jerome,” pasabot ni Joy Lorenzo. “Ayaw gayod pag-angkon nga may relasyon kamo si Flip Garcia.”

“Pero basin og mo-react si Flip?” Milubad ang kabalaka sa tuno sa sinultihan ni Jackie.

“Bahala na siya kou unsay iyang buhaton,” matud sa iyang manager. “Mas tuohan ka sa imong mga fans kay kaniya. Kun ipadayon niya ang iyang pangangkon nga may relasyon kamo, ipadayon usab ang pag-deny niini. Tan-awon ta kun kinsa kaninyo ang mauwawan.”

“Usa siya ka well-respected businessman. Tingali’g matandog ang iyang garbo ug iya kong ikiha og pakauwaw tungod sa akong pag-deny sa among relasyon?”

“Posibleng iya kanang buhaton kun maoy iyang tuyo ang pagpang-harass nimo. Pero taphaw kaayo ang posibleng basehan niya sa kaso ug dako’g purohan nga dili kini makadatom kanimo. Gawas pa, may abogado kitang makapanalipod kanato kun magkainunsa man ugaling.” -- Sumpayan pa