Naghilak nga Bituon

“Minyo na ba gud ko og dagway?”

“Dili man gani. Pero gusto lang kong maneguro. Matud ra ba sa uban, ang lalaking minyo mahimo nang ulitawo kun mahilayo siya’g 50 meters gikan sa iyang asawa.”

“Nagduda ka gyud diay nga may kabilinggan na ako sa akong kinabuhi?”

Wala ko magduda. Nanagana lang ko. Lisod na kun mahinayak.”

“I can assure you nga one hundred and one percent nga ulitawo pa ko. Kun nganong nagpabilin kong ulitawo bisan 29 years old na ko, kana tungod kay busy ko sa pag-atiman sa akong negosyo sa nakalabay nga mga tuig.”

“Sa ato pa, dili ka na busy karon maong may panahon ka na sa pag-atiman sa imong lovelife?”

“Well, busy gud gihapon. But I think nga miabot na tingali ang panahon nga kinahanglang pangitaon na nako ang gusto kong mahimong lifelong partner. I’m not getting any younger.”

“Dili pa ko maka-commit, Flip. Hatagi una ko’g igong panahon sa paghunahuna bahin sa imong proposition.”

“Okey. Andam kong magpaabot.”

Pagkabuntag maoy namat-an ni Jackie ang pagtingog sa message alert tone sa iyang cellphone. Si Flip ang nagpadala kaniya’g text.

“My prayer is: peace 4 ur mind, joy 4 ur spirit & luv 4 ur heart. My u hve all des things 4ever.I luv u. Gud am!” Maoy unod sa text ni Flip. -- Sumpayan pa