Batan-ong Ina-ina

 Dali ra nga nahuman og kaligo si Rosel. Nagtapis ra siya’g tualya nga misulod sa iyang kwarto. Apan napasiga ang iyang mga mata kay nakita niya nga didto gihapon si Carina sa iyang kwarto ug naghigda sa iyang higdaanan.

Gitutokan ni Carina si Rosel nga daw nahisama sa giugbok nga kandila. Nahitiurok si Rosel nga ingon sa wala masayod unsay iyang pagabuhaton. Mibangon si Carina sa iyang gihigdaan.

Nagtoo si Rosel nga mogawas na si Carina sa iyang kwarto apan nakalitan siya kay gitangtang man niini ang iyang gitapis nga twalya. Wala na makapugong si Rosel sa sunod nga mga panghitabo.

Mihari ang kamingaw sa tibuok lawak. Sa ilang pagpangaon, daw wala kaayo ganahi si Rosel. Una siya nga miundang sa pagkaon ug nananghid nga moadto na sa tunghaan.

Sa wala pa siya molakaw, gihatagan si Rosel og daku-daku nga pocket money ni Carina. “Salamat,” nagduko si Rosel ug wala makaharong sa pagtutok sa iyang ina-ina.

Didto sa tunghaan, wala gyud mahanaw sa iyang pangisip ang nahitabo na usab kanila ni Carina karong buntaga. Nakonsensya si Rosel tungod kay iyang nasabot nga gibudhian niya pag-unay ang iyang amahan.

“Unsa? Mouban ka sa among balay? Adto ka matulog karong gabhiona?” sunod-sunod ang pangutana sa suod nga higala ni Rosel dihang iyang giingnan nga dili siya ganahan nga mopauli sa ila.

Tuod man, wala mopauli si Rosel sa ilang balay. Wala g’yud siya makontak sa iyang amahan kay wala may cellphone si Rosel.

Pagka-ugma, nagkuyog sila si Rosel ug ang higala niya nga Albert paingon sa tunghaan. Layo pa gani, nakita na ni Rosel ang iyang amahan nga nagtindog sa ganghaan sa tunghaan. Sigurado siya nga siya ang gipaabot.

Daw miginhawa’g lawom si Papa niya David pagkakita kang Rosel. “Dong, diin ka man nga wala ka man mopauli sa balay gabii?” Igo lang miduko si Rosel ug wala dayon motubag.

“Una lang ko sa classroom Rosel ha?” matud ni Albert. Daw nahingawa kaayo si David ilabi na nga nakita niya nga may pagkabulingon na ang gisul-ob sa iyang anak kay ikaduha na nga adlaw kini nga gisul-ob.

“Nganong wala ka mopauli sa ato Dong? Nahingawa na kadto si Mommy nimo Carina,” matud ni David. “Pasayloa ko Pa, nakasala ko nimo,” nagduko gihapon si Rosel nga wala makaharong pagtutok sa amahan. (Sumpayan)