Batan-ong Ina-ina

Gula 5

“Sayo ka man lagi mimata Dong, Rosel,” ni David pa nga nangutana sa iyang anak.

Wala dayon motingog si Rosel sa pagpangutana sa iyang amahan kaniya. “Sayo ka diay molakaw karon Pa? Mosakay na lang ko sa imong motor,” matud ni Rosel. Nahibulong kaayo ang iyang amahan kay kaadlawon pa.

“Sayo pa man kaayo Dong… naa may daghang masakyan nimo paingon sa tunghaan,” ni David pa ngadto sa iyang anak. Wala na lang moinsister pa si Rosel. Ngitngit pa ang palibot dihang mibiya si David luwan sa iyang motor.

Didto ra si Rosel sa iyang lawak. Taud-taud, nakadungog siya nga may nanuktok sa pultahan. Gikulbaan kaayo si Rosel kay nasayod na siya kinsa ang anaa sa gawas kay sila rang tulo ang nagpuyo sa balay.

Wala siya masayop, nadungog niya ang tingog ni Carina. “Dong, Rosel, ablihi ning pultahan, mosulod ko.”

Wala masayod si Rosel kun unsay iyang pagabuhaton. Naglibog siya kun iya ba kining ablihan o dili lang tagdon ang pagsangpit ni Carina nga iyang ina-ina.

Human sa nahitabo kanila didto sa kwarto sa iyang Papa David, daw nagpanghadlok na si Rosel kang Carina kay basin og matintal na usab sila.

“Mommy, dili na nato limbongan si Papa kay buotan kaayo siya nimo. Nagmahay ko nga may nahitabo kanato kagahapon sa hapon Mommy. Bisan og batan-on ka Mommy, gitahod ko ikaw nga tinuod kong inahan,” ni Rosel pa.

Naghinuktok si Carina nga nakadungog sa gisulti ni Rosel. Gitutokan niya ang anak sa iyang puyo-puyo. “Apan may nahitabo na kanato Rosel… kun mahibaw-an ni Papa nimo David ang maong nahitabo kanato, sigurado nga iya ko nga buwagan,” matud ni Carina.

Bisan sa kalinghod pa sa salabotan ni Rosel, apan daw hingkod na siya nga manulti sa maong higayon.

“Isipon nato ang nahitabo kanato Mommy nga kasugiran sa usa ka patay’ng kagahapon. Dili na nato kadto lingion pa ug itutok ang imong panan-aw sa inyong kaugmaon ni Papa,” ni Rosel pa.

Nangagho si Carina. “Pwede ba akong mogakus kanimo Rosel? Gakus nga may sagol pagpangga sama sa usa ka matuod mo nga inahan.” Wala magtingog si Rosel nga gigakus ni Carina. “Maligo na ko Mommy kay mosayo ko paglakaw paingon sa tunghaan karon,” nananghid si Rosel dayong kab-ot sa iyang tualya. (Sumpayan)