Naghilak nga Bituon

Gula 54

Mikatawa ang lalaki. “Kinsay dili makaila sa usa ka sikat nga artista nga sama nimo? Bisan gani ang mga bata nga diyotay pa’g kabuot nakaila na nimo. Ako pa kaha?”

Nakapahiyom si Jackie sa gisulti sa lalaki.

“Puydeng makig-share nimo og table?” Sa lalaki pa.

Wala dayon makatingog si Jackie.

Milingilingi si Jackie. Iyang nakita nga okupado na ang tanang mga lamesa sa French restaurant nga iyang nasudlan. Naatol man sab gud nga tempranong tingpaniudto sa iyang pagsulod sa maong kan-anan.

Napugos si Jackie pagsanong sa hangyo sa lalaki nga makig-share kini kaniya og lamesa. Milingkod ang lalaki sa iyang atbang.

“Ako si Flip Garcia,” paila sa lalaki sa kaugalingon niini. “Usa sa imong mga fans.”

Gidawat ni Jackie ang binukhad nga kamot ni Flip ug naglamano sila.

“Glad to meet you,” ni Jackie pa. “Taga Visayas ka or Mindanao?”

“Visayas,” mubong tubag ni Flip. “Actually, taga Sugbo gyud ang among kaliwat. Pero didto na ko natawo sa Negros Oriental.”

“So, tua ka sa Negros magbase?”

“No. Nia na ko sa Manila magpermanente. May negosyo ko dinhi. Ako’y tag-iya sa FG Electronics Philippines Corporation, ang labing bag-ong cellphone manufacturer dinhi sa Pilipinas karon.” -- Sumpayan pa