Bawion ko ang imong gugma

Gula 86

Unya, naamgohan na lang ni Annie nga gisapwang siya ni Edelmar ug misulod sila sa iyang lawak. Didto gihinay siya’g pahimutang ni Edelmar ibabaw sa kama.

“Sublion ta ang nahitabo nato didto sa hotel,” hagawhaw ang tingog ni Edelmar.

“Bahala ka,” hagawhaw usab ang tingog ni Annie.

Pagkilab sa pila ka gutling pareho na silang walay sapot. Init kaayo ang ilang panagtagbo ibabaw sa kama. Ug dihang giangkon na ni Edelmar ang iyang pagka-babaye, migakos pag-ayo si Annie sa lalaki. Kanang gakos nga tugob sa pagmahal. Gakos nga nagdangilag sa kainit.

Ang kama nga gihigdaan ni Annie wala makapugong sa pag-igot. Nagpabatang si Annie sa ilawom ni Edelmar. Kansang lawas luhagan kaayo nga nagsugnib og kalalim ngadto kaniya.

Hangtod nga mora na sila’g nagginukdanay. Daw naglumba kinsay unang makaabot sa finish line. Apan walay usa kanila nga gustong magpaulahi. Nagdungan sila pagsangko sa kinapungkayan sa himaya. Pareho silang naligo sa singot.

“Unsaon mo pag-illustrate ang kaagi sa atong gugma?” Nangutana si Edelmar dihang inanay nang mihunas ang gibati nilang kakutas pagtagay sa lawasnong kalipay.

Mora’g dalan nga naglikoliko,” tubag ni Annie. “Daghang pagsulay, mora’g way direksyon. Usahay mora’g way paglaom. Daw way klarong padulngan. Pero sa tumoy sa dalan, naa diay ang katumanan.”

“Ingon gyud niana usahay ang kinabuhi. Mora’g sugal. Usahay kinahanglan kang mopusta aron ka modaog.”

Wala motingog si Annie. Pagkataudtaod gihagkan ni Edelmar ang iyang mga ngabil.

“Morebansin ta,” mihagawhaw si Edelmar kang Annie.

“Ikaw no, hilig ka gyud og kaduha. Didto sa hotel gikaduhaan sad ko nimo.” -- Taposon sunod gula