May kinutoban ang pagmahal

Gusto ko Iza nga magpabilin kang ingon niana ka tambok, sa bana pa nga si Elmer sa dayong biyahe niini paingon sa Manila, dayon sa trabaho ini sa abrod.

“Human sa paglarga ni Elmer, milabay ang pipila ka bulan. “Nagbinag-o ka man Iza,” matud sa inahang si Sabel, “kanunay ka mang higabhian gikan sa eskuylahan.

“Daghan kaayo ko’g assignment, Ma.” Mubong tubag sa anak. Sa pagsaka ni Iza sa itaas, miduol ang maguwang niini nga si Ara.

“Abe nimo Ma, dugay ko na siyang napanid-an. May uyab man na nga adik na, minyo pa nga ang ngalan si Jude, nga sa atong pinulongan, Judas.”

Usa ka higayon ana, mipauli si Iza og kaadlawon na, ug gikasuko kini sa inahan.

“Pastilan nimo Iza, kun mamiga ka, kanang ulitawo ug dili adik. Lupig pa man nimo’y yabag niana. Apan walay tingog nga misaka sa itaas ang anak.

“Dili gani na siya mohunong sa iyang binuang, Ma, isumbong ko gyud na siya sa iyang bana,” matud ni Ara.

“Basin mag-away lang mong duha, pasagdi lang na siya kay may buot na man na,” sa inahan pa nga napungot na.

“Di ko katugot ana, Ma, oy. Kabuotan sa iyang bana, iya lang ingnon niana?”

Usa ka higayon niana, mitawag sa selpon ang bana ni Iza.

“Love, apasa ko diri sa Manila kay mobakasyon ta sa Tagaytay.

“Gikulbaan si Iza kay wa man kini magpahibawo nga mouli kini sa Pilipinas.”

Milarga dayon si Iza ug didto sa Manila, nagkita sila sa tigulang niyang bana. Tungod sa kamingaw sa bana, migakos dayon kini sa asawa. Nawala tanan niya nga pagduda sa asawa, sigon sa taho sa private detective nga gisugo sa pagpaniid sa asawa niya, nga may laki kining gikabuangan. Human sa ilang bakasyon, namauli dayon sa Cebu ang magtiayon.

Pag-abot nila sa balay nakalitan si Iza, kay nakita niya nga bisita ni Ara si Jude. Unang mitimbaya si Elmer.

“May bisita ka diay - Ara?”

“Dili kuya, oy, si Jude ni, classmate niya,” gitudlo ni Ara ang manghod.

“Ha! Mao ba? Tinuod diay ang report sa akong private detective nga may gikabuangan nga Jude ang akong guwapang asawa. Puwes, aron walay gubot, pahawa dinhi sa akong balay, Iza, ug kuyog nianang imong Jude. Ug ikaw lalake, gipangga ug gimahal ko kanang akong asawa, apan kay imo mang giilog, imo na siya. Apan timan-i, sa oras nga mabalitaan ko nga imo siyang gidagmalan, magtago ka na bisan asa, for I’m going to hunt you like a rabbit,” matud sa bana sa pinulongang Englis.

Bisan nagpakiluoy si Iza, wala malukmay si Elmer.

Kinahanglan nga putlon ang dautan samtang sayo pa.” Dayong saka niini sa iyang balay ug gipanglabay sa silong ang mga gamit sa iyang asawa. (Kataposan)