Pinaskohan

Gula 2

“Suya ko ninyong duha Rud kay loving man kaayo mo’s Jenny,” gikomedyahan ni SPO3 Dicdican ang iyang higala.

Igo lang mipahiyom si Rudy apan daw migara si Jenny kay misamot na man hinoon kini’g kaparaygon. Gitungtong na hinoon niya ang iyang tuo nga kamot sa paa ni Rudy samtang nagtupad sila’g lingkud.

“Jen, basin baya og makit-an ta ni Caloy ha?” mapanagan-on kaayo si Rudy kay nasabut niya nga namarayeg na kaniya si Jenny. “Don’t worry Rud, dili man kami sweetheart si Caloy,” ni Jenny pa nga misandig na hinuon kang Rudy.

Nakapahiyom si SPO3 Dicdican nga nagtan-aw sa duha. Nakahukom siya nga mouna na lang paglakaw. “Biyaan ko lang kamo uy para makalugar mong duha,” matud sa polis nga higala ni Rudy.

“Unya asa man ta karon Jen? Mora’g lapas na man sa alas nueve sa gabii?” gisukna ni Rudy ang dalaga. Nakurat si Rudy sa tubag sa dalaga. “Ikaw, bahala ka Rud kay mora’g katulgon ko da nga nakainom sa Fundador.”

May kalit nga misantop sa huna-huna ni Rudy. Gusto niya nga dad-on si Jenny sa dapit nga sila rang duha.

“Tana Jen, tua didto nako giparking ang akong motor,” matud ni Rudy dungan sa pagtudlo niya kilid sa koral sa kampo. Human makaangkas si Jenny sa motor, gipaandar dayon ni Rudy ang sakyanan ug misirit pagpadagan.

Milanat lang og singko minutos ang pagdagan sa motor, misulod na sila sa Q2 Motel nga nahimutang sa barangay Caretta. “Hala! motel lagi ning atong gisudlan Rud?”

Wala na motubag si Rudy ug giparking niya ang motor. Gigiyahan sila sa usa ka roomboy kun asa ang bakante nga kwarto.

Gisirad-an dayon ni Rudy ang pultahan dihang nakasulod na sila. Wala mag-usik og panahon si Rudy gigakus dayon niya si Jenny ug sa unang higayon gihagkan. “Hala, kaswerte nako karong gabhiona nga giubanan nimo Jen dinhi sa motel,” ni Rudy pa.

Dili kaayo taas si Jenny ug dili usab daku ang lawas, sa laktud “cute” kini nga pagka babaye. Nabantayan ni Rudy nga mihangos si Jenny dihang gikombati niya pag-ayo pinaagi sa pagpakaligo og daghang mga hawok.

Gipanghiram ni Rudy ang lainlaing bahin sa kalawasan ni Jenny apan wala usa niya tangtanga ang sapot nga gisul-ob sa dalaga. Nag-akub na ang masig nila ka mga ngabil. “Rud, nganong gidala man ko nimo dinhi nga dili pa man kita uyab?” nakapangutana si Jenny. (Sumpayan)