Bawion ko ang imong gugma

Mihangos siya dihang mipahimutang na si Edelmar sa dapit sa iyang bilahan. Andam na ang ulitawo sa pag-angkon sa hingpit kaniya. Gibati niya ang diyotay nga kakulba. Dihay diyotay’ng kawili nga mihawid sa iyang hunahuna samtang nagpalandong sa umaabot nga mahitabo. Pipila ka gutlo, gikan karon, dili na siya birhen. Apan naseguro na niya nga dili niya pagabasolan ang mahitabo nila ni Edelmar. Iya kining kagustohan. Iya kining kabubut-on. Walay nagpugos kaniya aron mahitabo kini tali kanila ni Edelmar.

Mingislo og diyotay ang iyang nawong dihang giangkon na gayod siya sa hingpit ni Edelmar. Iyang namatud-an ang mga sugilanon nga iyang nadungog lang kaniadto nga may kasakit gayod diay ang unang kasinatian sa pagkatkat sa langit. Apan iyang giantos ang tanan tungod kay gimahal man niya ang lalaki nga maoy mikutlo sa kaputli sa iyang pagka-babaye.

Pipila ka gutling ang nakalabay, nagtambayayong na sila sa pagkatkat paingon sa kinapungkayan sa himaya. Nagdungan sila pag-abot. Gisangpit nila ang ngalan sa usa’g-usa nga may pagmahal agi’g pagpahungaw sa natagamtam nga kalalim. Unya matagbawon silang nahugno gikan sa makutas nga kombate.

Naangkon na gayod sa hingpit ni Edelmar ang iyang pagka-babaye. Nalipay siya. Mapagarbohon siya nga si Edelmar ang unang lalaki sa iyang kinabuhi. Karon si Edelmar nahimo nang dakong tipik sa iyang kinabuhi ug pagkatawo.

“I love you, Annie,” ni Edelmar pa nga migakos sa hubo niyang lawas.

“I love you, too Edelmar,” laktod nga tubag ni Annie. -- Sumpayan pa