“Oh, my goodness...”
“Tabangi ko sa pagpangita’g paagi nga magkasulti kami ni Ethan sa dili pa ko mobalik ngadto sa Manila.”
“Akong suwayan.” “Dili kay suwayan lang. Paningkamoti gyud.”
“J-Jackie...” “Do it for me, Gilda, please.” Nangayo og pagsabot ang sinultihan ni Jackie. “O-okey. Kanus-a ang imong gusto nga magkasulti kamo ni Ethan?”
Mobalik na ko sa Manila sa sunod adlaw. Gusto ko nga after my presentation ugma sa CICC, magkasulti kami ni Ethan.”
“Sige, akoy mangita’g paagi nga magkasulti kamo ni Ethan.”
“Salamat, Gilda. Ug ayaw kabalaka. Makamao kong mobutang sa akong kaugalingon sa husto nga lugar. Makigsulti ko ni Ethan isip usa ka higala ug sa paagi nga dili ko matawag nga cheap.”
Lawom nang gabii apan wala pa makatulog si Jackie. Si Ethan ang unod sa iyang hunahuna. Nagduladula ang larawan ni Ethan sa iyang handurawan.
Dugay nang wala magkita sila si Ethan. Ang kataposang panagkita nila ni Ethan niadto pang nagtungha pa siya sa usa ka unibersidad dinhi sa Sugbo. Nagpa-enroll pa siya niadto sa unang semester sa ikaupat nga ang-ang sa kolehiyo. Nga wala niya mahuman gumikan sa pagdaog niya sa artista search sa UBS-CVN isip grand champion hinungdan nga mi-concentrate na lang siya sa showbiz to grab the opportunity. -- Sumpayan pa