Inosente - Gula 2

Nakita ni Max nga giagbayan ni Tiyo niya Berto ang seksi nga dancer. Inanay niini nga gipaduol ang iyang nawong ngadto sa aping sa guwapa nga dancer.

Gihagkan ni Berto ang aping sa dalaga. “Uy, gihimo man ko nimong bata kay aping man ko nimo gihagkan Sir,” nagngisi ang dancer nga daw nangomedya ni Berto.

Dili mauwaw si Max sa iyang uyoan ngadto sa guwapa nga dancer kay sa dayon nilang lakaw kaganina paingon sa Sanciangko’s Wildflower, gipatotbras gyud niya’g maayo si Tiyo Berto ug iyang gipasiritan sa mahalon niyang pahumot.

“Humota nimo Sir uy, maibog man lang ta,” nangomedya ang dancer kang Tiyo Berto. Gihunghongan ni Max ang dancer nga si Daisy. “Ipalihug ko og lingaw sa akong uyoan Daisy kay babaye ra’y gianhi ana niya sa siyudad.”

Miyango-yango si Daisy ug wala maglangay misugod na kini paggakos-gakos ni Tiyo Berto. Kapin pa lang sa 40 ang pangedaron ni Berto mao nga dili pa kini maisip nga tiguwang. 

Ang problema lang ni Berto kay wala kaayo kini’y kasinatian sa pagromansa og babaye kay ang iya ra man g’yung asawa ang natilawan niini sukad sa iyang pagkabata mao nga nangindahay kini nga makakita sa nindot nga talan-awon dinhi sa dakbayan.

Mitindog si Max ug giduol si Ronnie. “Ibalhin sila sa private room Ron kay aron makalugar g’yud si Tiyo Berto,” giingnan ni Max ang floor manager. Abtik nga gimandoan ni Ronnie ang usa ka waiter nga andamon ang private room.

“Tiyo, balhin ta sa private room sa taas pero kun tua na ta, biyaan ta mo ug ang dancer nga si Daisy, ikaw na’y bahala,” gihunghongan niya si Tiyo Berto. Sa private room, wala magdugay si Max kay nagpasumangil siya nga moadto sa CR. Dihang nakabiya na si Berto sa kwarto, misugod dayon pag-arangkada ang dancer aron paglingaw sa iyang customer. Dihay higayon nga kay dili pa lagi bansay nga makigromansa’g babaye, nagkapangka pa ang masi’g nila ka ngipon. Nag-ukobay ang ilang mga ngabil. Daw nanghugot ang kaugatan ni Berto sa kalalim nga iyang gibati.

“Kalami diay dinhi sa siyudad uy,” nakatuaw si Berto sa iyang huna-huna. Nabantayan niya nga mitimbakuwas na si Junior sa iyang pundeyohan ilabi na dihang gitapin-an kini sa kamot ni Daisy.

Gihiram ni Daisy ang iyang pundeyohan nga daw gipangita ang sipir aron hinay-hinayon kini sa pag-abli. (Sumpayan)