Taud-taud g'yud nga nag-ukobay ang mga ngabil nila ni Tess ug Andro nga daw mga uhaw kaayo sa kalibutanong kalipay.
Samtang nag-akub ang ilang mga ngabil, ang mga kamot usab ni Andro padayong nanghiram sa lawas ni Tess. Nakasugnib kini og kainit sa dalaga.
Bisan og bugnaw unta ang panahon didto daplin sa baybayon apan maoy mipasuwabe ang kainit sa ilang kalawasan samtang nagpadayon sila pagparayganay.
Hangtud nga miabot ang higayon nga daw milum-oy, nawad-an og kusog si Tess, nga wala na mopugong ni Andro bisan unsay gihimo kaniya.
Gipanghiram na ni Andro ang pribadong parte sa lawas sa dalaga. Mas nakasugnib pa kini og dugang kainit kang Tess. Si Andro usab nakabantay nga tuskig na kaayo si Junior.
“Andro, basin og may makakita kanato dinhi sa baybayon,” daw may kabalaka si Tess.
Misantop sa kaisipan ni Andro nga adto nila ipadayon ang pagparayganay sulod sa sakyanan.
“Tana, adto ta sa sakyanan Tess,” ni Andro pa nga unang mitindog ug miagbay sa dalaga paingon sa sakyanan. Haruhay kaayo ang front seat sa Isuzu pick-up nga sakyanan sa ulitawo.
Didto milingkud si Andro sa driver’s seat ug sa passenger’s seat usab si Tess. Apan igo pa lang gani sila nga nakapahimutang, gikupogan na usab ni Andro ang dalaga.
Dinhi wala na g'yuy makakita nato Tess kay gawas nga gabii, tainted ang bildo sa sakyanan. Gibuksan ra ni Andro ug gamay ang bildo sa sakyanan habig sa baybayon ug misulod na ang bugnaw nga hangin.
Gipadayon ni Andro ang pagpanghiram niya sa kalawasan sa dalaga nga karon gigamhan na kaayo sa kainit sa pagbati.
“Ayaw, ayaw Andro,” matud ni Tess dihang misugod na si Andro sa pagpanangtang sa iyang gisul-ob. Naghangos si Andro ug nga daw dili na magpapugong sa iyang kahinam.
“Please Tess, ayaw ko'g pugngi,” matud ni Andro dihang miukob na usab sa mga ngabil sa dalaga. Nakamaneho gayud si Andro sa paghukas sa gisul-ob nga T-shirt ni Tess.
Tulin nga milabay ang mga gutlo ug hingpit nga naangkon ni Andro ang dugam-is ni Tess. Bisan lisod ang ilang sitwasyon sulod sa sakyanan, apan ang kalisod sa ilang posisyon nakadugang sa ilang kahinam.
“Ihatud na ko sa balay Andro kay gipangita na ko karon nilang Mama,” matud ni Tess human siya makailis sa iyang sapot. (Sumpayan)