Bakasi nga dako'g ulo

Tungod sa pagsige'g kayod og panagat perming lapoy ang lawas ni Undo, kada uli niya gikan sa dagat. Gani, naapiktahan ang iyang obligasyon ngadto kang Egil nga iyang asawa. Usa na ka buwan nga wa na siya kadumog sa asawa nga mao usay hinungdan sa perming sapot sa naulahi.

"Hala! Habhab diha'g maayo, Undo! Kay lapoy ra ba kaha nang lawas mo!" sa asawa nga gisapot na usab sa sayong kabuntagon.

"I-ikaw diay, day?" sukan ni Undo.

"Pag-solo lang diha! Kay wa koy ganang mokaon", pamalibad ni Egil nga burido ang ulo.

"Ha! Di ka ganahan mokaon nga paborito man ni nimong atong sud-an, isdang Lupit", ni Undo nga medyo nahingawa ngadto sa asawa.

"Di nako ganahan og Lupit, Undo! Bakasi nay ako", ni Egil nga malagutong nagpasumbingay sa iyang bana nga wa gyu'd kasabot sa iyang gustong gipangita.

Pagka-gabii nanagat na usab si Undo. Buntag na kining nauli.

"Siguro gyung malipay si Day Egil niini kay may kuha man kong bakasi nga mao nay iyang gipangita", matud ni Undo sa iyang kaugalingon. Di gyud siya gustong mahiubos kaniya ang pinalangga niyang asawa.

Pag-abot sa balay, nahinanok pa ang iyang asawa. Wa nalang niya kini tugawa pa.Iya dayong gidigamo ang kuha niyang bakasi aron maoy ipasud-an sa asawa inig mata niini.

Bitbit ang plato ug panaksan nga may sulod nang kan-on ug sud-ang bakasi, gipukaw ni Undo ang iyang asawa.

"Day, day ... mata na day, pamahaw na. Naglarang ko'g bakasi day ... di ba, mao man kaha ni imong gusto", ni Undo nga nag-ubo sa ulohan sa iyang asawa.

Ug kay lagi nabatasan na man ni Undo nga di siya mag-brief basta gikan managat, nisiwal ang iyang buhi sa luag niyang purol nga maoy namat-an sa iyang asawa. Bisan gikan pa sa pagkatulog apan nahisiga ang mga mata ni Egil sa nakita nga nagbitay duol gyud sa iyang nawong.

Ang butang nga iyang gipangita ug gikamingawan.

"Day kaon na day, dia o, bakasi", agda'g balik ni Undo kang Egil nga ni-aksyon na’g bangon.

"Ugok ka gyud, Undo! Bugo...! Dili kanang bakasiha maoy gusto kong kaunon oy! Kun dili, kini ayyy ... kining bakasihaaa ... Do ... bakasi nga dako og ulo..." ni Egil nga kalit niparaygon ang tingog ug nagpanlad-ok sa laway dayong sigpo sa nagbitay'ng bakasi ni Undo nga arang dakoa sa ulo. (Katapusan)