Gula 7
“Salamat kaayo May nga wala nimo pakyasa ang akong sugyot nga imong biyaan ang bayot mong bana ug kita na ang magtipon,” matud ni Jerry nga wala dayon mag-usik og higayon pagpakaligo og mga hawok ni Maymay.
Kay bansay man kaayo si Jerry nga moromansa’g babaye, dali ra kaayo nga nadutlan sa grabeng kalalim sa romansa si Maymay. Sayud si Maymay nga sayop ang iyang gihimo apan gusto niyang panimaslan si John sa pagbudhi kaniya.
Mikilab lang ang mga gutlo, pareho na sila nga walay sapot. Nabatyag gayud ni Maymay ang dakung kalainan sa romansa ni John kaniya ug sa pagdala ni Jerry. Daw nakalimot makadiyot sa iyang problema si Maymay dihang giromansa na siya ni Jerry.
Kini ilabi na dihang ang taas ug hait-hait nga dila ni Jerry daw mikuliot gayud ngadto sa ganghaan sa langub ug daw gituhil-tuhil niini ang mga sensitibong parte didto sa ilawom.
Nakalit-ad g’yud sa grabeng kalalim si Maymay ug naalinggatan gayud niya nga nagsugod na pag-agos ang dugam-is gikan sa ganghaan sa langub tungod sa naghingapin nga kalipay nga iyang gibati.
Modul-an sa usa ka oras nga si Maymay nag-agumod sa grabeng kalalim ug nakig-indigay ni Jerry pag-ukobay sa masig nila ka mga ngabil. Hangtud nga gipatilaw na gayud ni Jerry kaniya ang katapusang kalipay.
Daw mikurog ang lawas ni Maymay dihang mibuto na ang armas ni Jerry didto ilawom sa langub. Nasiklapan ni Maymay sa relo sa bungbong sa motel nga hapit na ang ala-una sa kaadlawon. “Ugma dayon, biyaan na nako ang akong bana nga mabudhion,” matud ni Maymay.
Pagpauli ni Maymay sa balay mga alas 2:30 sa kaadlawon natulog lang gihapon si John. Giandam niya ang gitipigan niya nga CD. Naghimo siya’g suwat didto sa kusina.
“John, nasayud na ko sa tinuod mo nga pagkatawo. Duble-kara ka man diay nga maibug og babaye’g lalaki. Maayo unta og dili na ako masayop sa ikaduha ko nga pagsulod sa gugma. Patugtoga ang kanta sa gibilin ko nga CD – Iniibig ko ang Iniibig mo – kay walay sukod sa bawos. Gimahal ko ang lalaki nga gikauban mo sa motel.”
Dayon gikugos ni Maymay ang usa ka tuig niyang anak ug gibitbit ang giandam na niyang bag nga gisudlan sa mga sapot. Gilingi niya sa kataposang higayon si John nga maayo pa kaayong paghinanok.(Kataposan)