Drayber Sweet Lover

Gula 3

Nag-ukobay dayon ang masig ka mga ngabil nila ni Elmer ug Marie. Sa kamaayo na modala’g romansa sa babaye ni Elmer, dali ra kaayo niya nga nakabig sa grabeng kalalim si Marie.

Gipanghiram ni Elmer ang lainlaing bahin sa kalawasan sa dalaga ilabi na ang mga sensitibong parte nga makasugnib kaniya og talagsaong kahinam. Tuod man daw mikuray si Marie, gipasagdan ra si Elmer nga nanghiram sa iyang kalawasan.

Nag-igot-igot ang ilang gilingkoran. Daw naglisud sila sa pagromansahay nga diha ra naglingkud sa atubangan nga bahin sa PUJ. Dili usab sila makaadto sa luyo kay tua natulog ang konduktor nga si Dadoy.

“Manaug ta sa jeep Mar, may nasigpatan ko kaganina nga usa ka tindahan diha sa unahan,” giingnan ni Elmer si Marie.

Giagbayan ni Elmer ang dalaga samtang hinay sila nga milakaw sa karsada paingon sa giingong tindahan. Tuod, wala masayop si Elmer.

“Tindahan tingali kini panahon sa adlaw,” matud ni Elmer samtang milingkud na sila sa Marie niadtong lantay nga gihimo sa kawayan.

Gipadayon ni Elmer ang naputol niyang romansa ni Marie. Alang kang Elmer balbangaan pa kaayo si Marie kay daw wala pa gani matandog ang bulkan sa iyang dughan.

“May kasinatian ka na ba sa usa ka lalaki Mar?” gipangutana ni Elmer ang dalaga. “Duna na, apan kausa ra sa akong hinigugma,” hinay nga tubag ni Marie.

Mao diay nga daw bansay na si Marie sa romansa kay duna na diay kini’y hinigugma. Daku-daku ang lantay sa tindahan mao nga wala maglisud sila si Elmer ug Marie sa ilang kumbati.

Abtik nga gihukas ni Elmer ang gisul-ob nga sapot sa dalaga. Bisan og dili kaayo makita tungod sa kangiob, apan nabana-bana ni Elmer nga igwad kaayo’g sampot si Marie.

Wala maglangan si Elmer, gihukas niya pag-apil ang tabon sa labing pribadong parte sa lawas sa dalaga. Gipadayon niya ang pagromansa pinaagi sa pagpakaligo’g mga hawok sa tibuok lawas ni Marie.

Sa unang higayon miagulo si Marie ug daw mihiwid ang lawas sa kalalim nga gipabatyag ni Elmer kaniya. Giduwa-duwaan dayon ni Elmer pinaagi sa iyang dila ang bulkan sa dughan sa dalaga.

Nakapasamot kini sa pag-agulo ni Marie. Gihikap ni Elmer ang punoan sa duha ka paa sa dalaga ug nasuta niya nga basa na kini kaayo sa dangog nga likido. (Sumpayan)