Kamatayon sa panumpa

Sulod sa mabugnaw’ng lawak, tugob sa kainit ang pagpinarayganay nila ni Norman ug Xenia. Tugob sa kahangol nga giangkon ni Norman ang iyang pagka babaye. Gitupsan og maayo sa lalaki ang iyang katam-is. Ang inigot sa kama nga nagsangga kanila maoy saksi sa kainit sa ilang kombate.

“Kanindot unta kun masolo ko ikaw,” ni Norman pa human sa makutas nga bugno sa kama. “Kanang wala nay laing lalaki nga makahilabot nimo.”

“Dili kana mahimo,’’ giingnan ni Xenia si Norman. “Kutob ra gyud sa ingon niini ang atong relasyon. Nikuyog ko nimo dinhi tungod kay kustomer ka sa club nga akong gitrabahoan nga nanginahanglan sa akong serbisyo.”

Wala na magtingog si Norman. Pagkataudtaod, gisubli nila pagtagay ang dugos sa lawasnong kalipay. Tugob sa kainit ang ilang panagsalo sa himayang unodnon. Ug nagkadungan sila pagsangko sa kinapungkayan sa langit.

Gawas kang Norman, may laing kustomer sa club nga nangulitawo ni Xenia. Si Reno. Luho og panapot si Reno. Maila nga sapian. Sa nasayran ni Xenia, usa kini ka tag-iya’g pawnshop nga may daghang sanga sa Sugbo ug sa ubang dapit sa Kabisay-an. -- Sumpayan pa