Kamatayon sa Panumpa

Gula 53

Nasuta ni Xenia nga may pagbati siya alang kang Norman. Apan dili mahimong makigrelasyon siya niini. Minyo si Norman. Ug bisan bulag kini sa asawa sa kasamtangan, wala pa ma-legally separated si Norman sa asawa niini kinsa may tulo kini ka anak.

“Gikasubo ko, Norman,” nagkanayon si Xenia. “Dili ko makahimo pagdawat sa imong gugma tungod sa imong kabilinggan sa kinabuhi.”

“Wa nay paglaom nga magkauli pa kami, Xenia,” matud ni Norma. “Dili gyud mi magkasinabot tungod sa managlahi namong baroganan ug pagtuo. Gusto niyang magpabunyag ko sa iyang tinuohan nga born again, butang nga dili nako mahimo tungod kay kontento ko sa pagtuong katoliko.”

“Gamay ra ang maong butang para masakripisyo ang inyong kaminyoon.”

“Pero mao kanay kanunay mahimong pabilo sa among panaglalis. Kay di man gyud ko mosagop sa iyang tinuohan, mihukom siyang makigbulag nako. Mibiya siya sa balay. Mibalik siya sa iyang ginikanan dala ang among mga anak.”

“Nganong dili mo man sulayan ang pag-adto sa balay sa iyang mga ginikanan ug sulayan siya pag-agni nga magtipon kamo pagbalik?” -- Sumpayan pa