Ang kinatumyan

Gula 5

“Sir?” bugtong pulong nga migawas sa baba ni Clarissa human sa unang paghawok kaniya sa iyang manager.

Sa ikaduhang paghawok ni Bell kang Clarissa, miukob na pag-ayo ang iyang mga ngabil ngadto sa mga ngabil sa babaye’ng buwag sa bana. Taud-taud nabantayan ni Bell nga misukol na kaniya og hinagkanay ang iyang bag-ong empleyada.

“Tana Clar. Tagbawon nato ang atong kaugalingon. Tuguti ko nga ako ang mohimo niini kay matud mo uhaw ka sa kalipay sa imong bana ug mao nga imo siya’ng gibiyaan,” ni Bell pa nga mipadagan na sa sakyanan.

“Maayo kaha kining atong pagabuhaton Sir. Makasala kita sa mga mata sa Dios kay usa ako ka minyo,” pasabot ni Clarissa. “Mga tawo ra kita Clar nga mahimong makasala. Mangayo ra kita’g pasaylo sa atong pagabuhaton,” ni Bell pa.

Taud-taud, misulod ang sakyanan ni Bell sa usa ka motel sa V. Rama Avenue. Nabantayan ni Bell nga mihinay-hinay na’g tuyhakaw si Junior kay mga tunga na sa oras gikan sa pag-inom niya sa tabletas-pangpagana.

Wala makabantay si Clarissa nga atol sa ilang pagpangaon, giinom ni Bell ang usa ka tabletas nga nasuwayan na niya ang kaepektibo.

Dihang na-parking na ni Bell ang sakyanan, nanganaug sila. Gisinyasan sila sa room boy nga adto mosulod sa Room 109. Dihang nakasulod na sila sa kuwarto, daw nagtulo na ang laway ni Bell nga nagsud-ong ni Clarissa.

Si Clarissa usab diay ingon sa naghinam-hinam nga nakahinumdom sa gisulti ni Bell dihang gikompisal niya ang iyang kaagi. Wala pa siya malimot nga si Bell miingon nga kun siya ang ikaromansa, ang babaye dili na gayud ganahang mobuwag kaniya.

“You know Clar, sa una ko pa lang pagkakita nimo didto sa akong opisina, nakadayeg dayon ko sa imong kaanyag. Abi ko og tinuod ka g’yud nga dalaga,” matud ni Bell.

Mainampingon nga gigakus ni Bell si Clarissa samtang pareho pa sila nga nagtindog. Giukoban ni Bell sa makausa pa ang mga ngabil ni Clarissa.

Nagtalikod si Clarissa sa salamin ug nakita ni Bell ang nindot kaayong mga paa sa dalaga sanglit mini-skirt ang gisul-ob niini. Misamot og tuyhakaw ang Junior ni Bell.

Wala tuyoa nga nabundol kini sa pus-on ni Clarissa. Milingkud si Bell sa kama ug gisabak niya ang empleyada. Gipadayon niya ang pag-ukob sa mga ngabil niini nga nagtubod sa katam-is.

Inanay niya nga gipahigda si Clarissa sa kama. Gitagsa-tagsa pagpanangtang ang mga salimbong sa iyang lawas. Nagpabiling nahimong amang si Clarissa sukad pa kaganina. (Sumpayan)