Love at First Sight

Gula 8

Ang hilomon unta kaayo nga si Daylen, nahimong sabaan na kaayo karon kay nagsige na kini’g agulo dihang gipasulod-gawas na ni Lowel si Junior gikan sa langub.

Bisan og nanakit ang buko-buko ni Lowel sa pagkoma pag-ayo ni Daylen sa iyang mga tudlo sa matag sulod-gawas ni Junior sa langub, apan giagwanta ra kini sa ulitawo. Misamot hinoon ang iyang kaikag sa paghatag og katagbawan sa dalaga.

Matagbawon kaayo silang duha sa ilang kinawat-kawat nga kalipay. Human sa ilang kumbati ibabaw sa katre sa ospital dali sila nga nag-ilis sa ilang mga sapot. Igo g’yud sila nga nahuman og ilis, may nanuktok sa pultahan.

Gibuksan dayon ni Lowel ang pultahan og misugat sa ilang panan-aw ang mga personnel sa ospital nga nagtulod sa gihigdaan sa inahan sa ulitawo. Nahuman na diay ang operasyon.

Gitabangan sa mga hospital personnel ang inahan ni Lowel nga mapahigda sa iyang katre, ang katre nga didto gitagbaw ni Lowel ang iyang kaugalingon sa pag-angkon ni Daylen.

Nasurpresa ang inahan ni Lowel pagkakita nga may babaye nga kauban ang iyang anak nga nagpaabot kaniya sa kwarto. Gipaila-ila ni Lowel ngadto sa iyang inahan si Daylen ug gitug-anan nga mao kini ang pasyente didto sa pikas katre dihang miabot sila kaniadtong miaging semana.

Nanglabay ang mga adlaw, nakagawas na ang inahan ni Lowel sa ospital. Hangtud nga nahibalik na kaniya ang kabaskug kay malampuson ang pag-opera kaniya sa mga doktor.

“Ma, mananghid ko nimo,” giingnan ni Lowel ang iyang inahan. Nakalitan ang inahan ni Lowel sa iyang pagpananghid. “Ha? Asa ka man diay Dong? Asa ka mopaingon?” nakalitan ang inahan sa ulitawo.

“Dili ko molakaw ma, mananghid unta ko nimo nga gusto na ko nga magminyo,” follow-up ni Lowel nga nagpahiyom sa iyang inahan. “Aw mao ba, walay problema Dong kay gusto na usab ko nga makakita sa akong apo. Apan kinsa ang imong pangasaw-on nga wala man ko makabantay nga duna kay hinigugma?”

Gitug-anan ni Lowel ang iyang inahan nga kadtong babaye nga iyang nakita didto sa ospital maoy iyang pangasaw-on. “Ha? Uy wala g’yud ko magtoo nga sa kadali ra sa inyong panagkaila, nagkahinigugmaay dayon kamo anak.”

Gipahikay dayon sa inahan ni Lowel ang kasal sa iyang anak ug ni Daylen. “Wala g’yud ko magdahum Lowel nga ikaw ang akong mabana kay daghan kaayong naninguha nako apan wala gayud nako tagda. Wala ko magdahum nga sa ospital ra diay nako ikakita ang akong ubanan sa altar sa kaminyoon,” matud ni Daylen. Sa makausa pa, nag-ukobay ang ilang mga ngabil ni Lowel ug Daylen samtang malipayon sila nga nagtupad ug nagsultihanay didto sa balay sa dalaga bisperas sa adlaw sa ilang kasal. (Kataposan)