Kamatayon sa Panumpa

Gula 28

“Depende. Aw, kun pilay imong ibungat.”

“Seven thousand...”

“Mora’g dako ra na. Hunahunaa nga dili na ko magpabayad sa kuwarta nga akong ihatag nimo.”

“Hunahunaa sab nga kun dili pa tungod sa dinalian kong panginahanglan og kuwarta, dili mahitabong itahan ko ang akong pagka-babaye nimo.”

“Kun mao kana, di gyud ta magkasinabot.”

“Pila ra man gyud diay ang imong ibayad nako?”

“Five thousand. Kun molabaw pa niana, di na ko moapas sa imong presyo. Kana ray akong ikahatag bugti sa mubong kalipay.”

Naghinuktok sa makadiyot si Xenia. Na-realize niya siya’y nanginahanglan og kuwarta busa dili siya angay magpagahi-gahi.”

“Unsa na, Xenia?” Sukna ni Gordon. “Deal? Or no deal?”

Miginhawa una’g lawom si Xenia. Nakapanglingo siya samtang gipahit niya ang ubos niyang wait.

“Deal,” niya pa.

Mitikyop na ang kangitngit ug naniga na ang mga sugang dagitabnon sa dakbayan sa Sugbo dihang gidala si Xenia ni Gordon sa usa ka motel nga nahimutang sa reclamation area. -- Sumpayan pa