Kamatayon sa Panumpa

Gula 4

“Wa ko magdahom nga wangwang ka na diay nga pagka-babaye, Xenia,” nagkanayon si Kendall nga ingon sa nahisamugyo.

“Limpyo ang akong konsensiya, Kendall,” ni Xenia pa. “Way laing lalaki nga nakahilabot nako gawas nimo.”

“Nan, nganong wa ka man mag-bleed sa dihang giangkon ko ang imong pagka-babaye sa labing unang higayon?”

Wala motubag si Xenia. Ug wala siya’y ikatubag. Kay bisan siya mismo wala masayod nganong wala siya mag-bleed sa unang higayon sa iyang pagpakighilawas sa usa ka lalaki.

“Pasabta ko, Xenia,” gikan ni Kendall.

“Ambot lang,” niya pa. “Wa ko masayod. Basta kay virgin ko nga imong nakuha, Kendall. Ikaw ray lalaki sa akong kinabuhi.”

Tungod kay wala man gayod makapasabot si Xenia kang Kendall nganong wala ang mga ilhanan nga virgin pa siya sa unang higayon nga giangkon sa lalaki ang iyang pagka-babaye, nagkalalis sila.

Si Kendall wala gayod motuo nga virgin pa siyang giangkon niini kay wala man lagi siya masakiti ug mag-bleed sa unang higayon sa ilang panaghilawas. Dili sab siya makapugos kang Kendall pagtuo nga walay laing lalaki nga nakahilabot sa iyang pagka-babaye tungod kay dili man siya makapamatuod niini. Wala siya’y mga ebidensiya. -- Sumpayan pa